«Սպարտակը» հաղթեց «Ստրյոմսգոդսետին», Մովսիսյանը չիրացրեց 11-մետրանոցը (տեսանյութ)
21/02/2015 19:30
Նմանատիպ
Թուրքիայում ուսումնամարզական հավաք անցկացնող Մոսկվայի «Սպարտակը» ստուգողական խաղում նվազագույն հաշվով առավելության հասավ նորվեգական «Ստրյոմսգոդսետի» նկատմամբ:
Մուրատ Յակինի թիմն արդեն 6-րդ րոպեին կարող էր առաջ անցնել հաշվի մեջ, սակայն Հայաստանի ազգային հավաքականի հարձակվող Յուրա Մովսիսյանը չկարողացավ դիպուկ իրացնել 11-մետրանոց հարվածը: Այդուհանդերձ, «Սպարտակը» հաղթական գնդակը խփեց հենց 11-մետրանոց նշակետից. 47-րդ րոպեին աչքի ընկավ Դմիտրի Կոմբարովը:
Հավելենք, որ «Սպարրտակի» հաջորդ ընկերական հանդիպումը կայանալու է փետրվարի 28-ին, մրցակիցը «Անժին» է:
Ստուգողական հանդիպում
«Սպարտակ»-«Ստրյոմսգոդսետ»` 1:0
Գոլը` Կոմբարով 47՛ (11′)