«Միլանը» հաղթեց «Պալերմոյին», «Ինտերը» ոչ-ոքի խաղաց (տեսանյութեր)
04/04/2015 18:59
Նմանատիպ
Իտալիայի առաջնության 29-րդ տուրում «Միլանն» արտագնա խաղում առավելության հասավ «Պալերմոյի» նկատմամբ: «Միլանի» կազմում մեկական գոլի հեղինակ դարձան Ալեսիո Չերչին և Ժերեմի Մենեզը, իսկ «Պալերմոյի» միակ գոլը խփեց Պաուլո Դիբալան` հստակ իրացնելով 11-մետրանոց հարվածը: Ուշագրավ է, որ վերջին անգամ Ֆիլիպո Ինձագիի սաներն արտագնա խաղում հաղթել էին անցյալ տարվա հոկտեմբերի 19-ին` «Վերոնային»:
Զուգահեռաբար ընթացող խաղում «Ինտերը» չկարողացավ հաղթել «Պարմային»: Թիմերը մեկական գոլ խփեցին. դաշտի տերեի կազմում աչքի ընկավ Ֆրեդի Գուարինը, իսկ «Պարմայի» պատասխան գոլը խփեց Լիլան:
Իտալիայի առաջնություն, 29-րդ տուր
«Պալերմո»-«Միլան»` 1:2
Գոլերը` Դիբալա 72՛ (11 մ.) – Չերչի 37՛, Մենեզ 83՛
«Ինտեր»-«Պարմա»` 1:1
Գոլերը` Գուարին 25՛ – Լիլա 44՛