ԱՄՆ դեսպան Ուորլիքը հաջողություն է մաղթել հայ մարզիկներին
10/06/2015 15:42
Նմանատիպ
Այսօր՝ հունիսի 10-ին, ԵԱՀԿ Մինսկի խմբի համանախագահ, Հայաստանում ԱՄՆ-ի դեսպան Ջեյմս Ուորլիքը հանդիպել է առաջիկա Եվրոպական խաղերում Հայաստանը ներկայացնող մարզիկների հետ: Այս մասին տեղեկանում ենք ՀՀ-ում ԱՄՆ-ի դեսպանատան ֆեյսբուքյան պաշտոնական էջից։
«Մենք ողջունում ենք Հայաստանի կառավարության և ձեր խիզախ որոշումը մասնակցելու Բաքվում կայանալիք Եվրոպական խաղերին: Մենք հայ մարզիկներին մաղթում ենք հաջող մրցումներ»,-ասել է դեսպանը: ԱՄՆ դեսպանատունը ևս միացել է դեսպանի մաղթանքներին:
