Մովսիսյան. Հույս ունեմ՝ բոլոր խնդիրներս կլուծվեն (լուսանկարներ)

Հայաստանի հավաքականի հարձակվող Յուրա Մովսիսյանը միացել է Մոսկվայի «Սպարտակին», որն ուսումնամարզական հավաք է անցկացնում Շվեյցարիայում։ 

Հարձակվողը նշել է, որ թեև մարզվում է անհատական ծրագրով, սակայն իրեն լավ է զգում։

-Առողջական խնդիրներ չունեմ: Իհարկե, ինչ-որ չափով անհանգստություն կա, բայց հուսով եմ, որ բոլոր խնդիրները շուտով կլուծվեն: Ես այստեղ եմ, որպեսզի մարզվեմ ամբողջ ծանրաբեռնվածությամբ և հասցնեմ պատրաստվել նոր մրցաշրջանին,-ասել է Մովսիսյանը։