«Audi Cup». «Ռեալը» հաղթեց «Տոտենհեմին» և դուրս եկավ եզրափակիչ (տեսանյութ)
04/08/2015 22:10
Նմանատիպ
Մյունխենի «Ալյանց Արենա» մարզադաշտում կայացավ «Audi Cup» նախամրցաշրջանային ընկերական մրցաշարի առաջին՝ «Ռեալ»-«Տոտենհեմ» հանդիպումը:
Ռաֆայել Բենիտեսի թիմը հաղթանակ տոնեց և դուրս եկավ եզրափակիչ: Մադրիդցիները յուրաքանչյուր խաղակեսում մեկական գոլ խփեցին. 36-րդ րոպեին աչքի ընկավ Խամես Ռոդրիգեսը, իսկ 79-րդ րոպեին նախկին թիմի դարպասը գրավեց Գարեթ Բեյլը: Նշենք, որ «Ռեալի» կազմում վնասվածնքերի պատճառով մրցաշարին հայտնավորված չեն հարձակվողներ Կրիշտիանու Ռոնալդուն և Կարիմ Բենզեման:
Հավելենք՝ օգոստոսի 5-ին կայանալիք եզրափակիչ խաղում «Ռեալը» մրցելու է «Բավարիա»-«Միլան» զույգի հաղթողի հետ:
«Audi Cup», կիսաեզրափակիչ
«Ռեալ» – «Տոտենհեմ»՝ 2:0
Գոլերը՝ Խամես 36՛, Բեյլ 79՛