Ջեկո. Հույս ունեմ՝ «Ռոմայի» հետ շատ տիտղոսներ կնվաճեմ
12/08/2015 19:32
Նմանատիպ
«Մանչեսթեր Սիթիի» հարձակվող Էդին Ջեկոն, ով առաջիկա մրցաշրջանում վարձավճարով հանդես է գալու «Ռոմայում», ընտրել է «9» համարի մարզահագուստը: Հռոմեական ակումբի պաշտոնական կայքին տված հարցազրույցում Ջեկոն տեղափոխության վերաբերյալ իր մեկնաբանությունն է տվել:
-Հռոմ եմ եկել «Ռոմայի» հետ տիտղոսներ նվաճելու համար: Հույս ունեմ՝ մենք շատ տիտղոսներ կնվաճենք, բայց առաջին հերթին պետք է լավ աշխատենք: Հուսանք՝ վերջում կհայտնվենք այնտեղ, որտեղ պետք է: Ես միայն մեկ բան կարող եմ խոստանալ՝ յուրաքանչյուր խաղում կցուցադրեմ այն ամենը, ինչին ընդունակ եմ,-ասել է 29-ամյա ֆուտբոլիստը:
Հավելենք, որ Էդին Ջեկոն 2011 թվականին է «Վոլֆսբուրգից» տեղափոխվել «Մանչեսթեր Սիթի», որի կազմում անցկացրած 189 խաղում խփել է 72 գոլ: