Եվրո-2016. Հայաստանի հավաքականը պարտվեց Սերբիային (տեսանյութ)
Նմանատիպ
Եվրոպայի 2016 թվականի առաջնության ընտրական փուլում Հայաստանի հավաքականը դեռ ոչ մի հաղթանակ չի տոնել:
Քիչ առաջ Սերբիայի Նովի Սադ քաղաքի «Կարաջորջե» մարզադաշտում ավարտվեց Սերբիա-Հայաստան հանդիպումը: Դաշտի տերերը 2:0 հաշվով հաղթանակ տոնեցին: 22-րդ րոպեին գնդակը սեփական դարպասն ուղարկեց Լևոն Հայրապետյանը, իսկ 53-րդ րոպեին սերբերի առավելությունը կրկնապատկեց Ադեմ Լյայիչը:
Չնայած հաղթանակին՝ Սերբիայի հավաքականն ունի 1 միավոր (ՈւԵՖԱ-ի կարգապահական հանձնաժողովի պատժի հետևանքով) զբաղեցնում է I խմբի մրցաշարային աղյուսակի չորրորդ հորիզոնականը, իսկ մեր ընտրանին վերջում տեղում է՝ ակտիվում ունենալով 1 միավոր:
Հայաստանի հավաքականը հաջորդ ընտրական խաղը կանցկացնի սեպտեմբերի 7-ին Երեւանում, որտեղ կընդունի դանիացիներին:
Եվրո-2016, ընտրական փուլ
Սերբիա – Հայաստան՝ 2:0
Գոլերը՝ Հայրապետյան 22՛/ ինքագոլ, Լյայիչ 53՛