«Բարսելոնան» կամային հաղթանակ տոնեց «Ատլետիկոյի» նկատմամբ (տեսանյութ)
13/09/2015 00:18
Նմանատիպ
Իսպանիայի առաջնության երրորդ տուրի կենտրոնական հանդիպումը կայացավ Մադրիդի «Վիսենտե Կալդերոն» մարզադաշտում. վերջին երկու մրցաշրջանների չեմպիոնների խաղում «Բարսելոնան» կամային հաղթանակ տոնեց:
Հանդիպման հաշիվը 51-րդ րոպեին բացեց Ֆերնանդո Տորրեսը, սակայն հյուրերին հաջողվեց բավականին արագ պատասխան գոլ խփել. 55-րդ րոպեին աչքի ընկավ Նեյմարը: Կատալոնական թիմի համար հաղթական գնդակը 77-րդ րոպեին խփեց Լիոնել Մեսսին, ով հանդիպման մեկնարկային կազմում չէր և միայն 60-րդ րոպեին էր դուրս եկել խաղադաշտ:
Այս հաղթանակից հետո «Բարսելոնան» ունի 9 միավոր և գլխավորում է մրցաշարային աղյուսակը, իսկ «Ատլետիկոն» մնաց 6 միավոր:
Իսպանիայի առաջնություն, երրորդ տուր
«Ատլետիկո» – «Բարսելոնա»՝ 1:2
Գոլերը՝ Տորրես 51՛ – Նեյմար 55՛, Մեսսի 77՛