Նայնգոլան. Ինձ վատ եմ զգում, քանի որ վնասվածք եմ հասցրել Ռաֆինյային (տեսանյութ)

«Ռոմայի» կիսապաշտպան Ռաջա Նայնգոլանը ցավում է, որ «Բարսելոնայի» ֆուտբոիստ Ռաֆինյան իր պատճառով վնասվածք է ստացել և կարող է երկար ժամանակով շարքից դուրս մնալ: Չեմպիոնների լիգայի խմբային փուլի առաջին տուրի՝ «Ռոմա»-«Բարսելոնա» խաղից (1:1) հետո Ռաջան գրառում է կատարել Twitter-ի իր պաշտոնական էջում:

«Ողջույն, Ռաֆինյա: Ինձ վատ եմ զգում, քանի որ վնասվածք եմ հասցրել քեզ: Ես դա միտումնավոր չեմ արել: Հույս ունեմ՝ շուտով քեզ կրկին խաղադաշտում կտեսնեմ: Գրկում եմ»,-գրել է Ռաջան:

Բուժզննումը պարզել է, որ Ռաֆինյան վնասել է աջ ծնկի խաչաձև կապանները և ծնկի հետին մասը: Նա կկարողանա դաշտ դուրս գալ լավագույն դեպքում ընթացիկ մրցաշրջանի ավարտին։