Միջազգային մրցաշարում հայ ըմբիշները 5 մեդալ են նվաճել

Միջազգային մրցաշարում հայ ըմբիշները 5 մեդալ են նվաճել

Վրաստանի Օնի քաղաքում ավարտվել է Օլիմպիական խաղերի և աշխարհի չեմպիոն Դավիթ Գոբեջեշվիլու անվան ազատ ոճի ըմբշամարտի միջազգային երիտասարդական մրցաշարը:

ՀՀ հավաքական թիմի ավագ մարզիչ Ավետիք Վարդանյանի ղեկավարությամբ երիտասարդական մրցաշարին Հայաստանի Հանրապետությունը ներկայացրած մեր տասը մարզիկներից հինգը մեդալներ են նվաճել:

Մրցաշարի չեմպիոններ են դարձել 50 կգ քաշային Հայկ Բադալյանը (ԲԿՄԱ, անձնական մարզիչ՝ Արմեն Մալխասյան) և 55 կգ քաշային Մխիթար Գրիգորյանը (ԲԿՄԱ, անձնական մարզիչ՝ Արմեն Շահվերդյան): Բրոնզե մեդալների են արժանացել 55 կգ քաշային Վաղինակ Մաթևոսյանը (ԲԿՄԱ, անձնական մարզիչ՝ Արտուշա Մինասյան), 84 կգ քաշային Սարգիս Հովսեփյանը («Աշխատանքային ռեզերվներ» ՄՀԿ, անձնական մարզիչ՝ Ավետիք Վարդանյան) 60 կգ քաշային Կարեն Զուրաբյանը (Երևանի օլիմպիական հերթափոխի պետական մարզական քոլեջ, անձնական մարզիչ՝ Արշակ Հայրապետյան):

Մրցաշարին մասնակցել են 130 մարզիկ` Վրաստանից, Հայաստանից, Ռուսաստանի Դաշնությունից և Ադրբեջանից:

Հետևեք մեզ նաև Telegram-ում