Գեորգի Խուբուան համալրել է «Արարատի» կազմը
14/01/2016 22:22
Նմանատիպ
Մրցաշրջանի երկրորդ հատվածին նախապատրաստվող «Արարատի» կազմը համալրվել է: «Արարատը» պայմանագիր է ստորագրել վրացի հենակետային կիսապաշտպան Գեորգի Խուբուայի հետ: Այս մասին տեղեկանում ենք ակումբի մամուլի ծառայությունից:
Նախորդ մրցաշրջանում 22-ամյա ֆուտբոլիստը հանդես էր գալիս Երևանի «Ուլիսում», իսկ «Արարատ» նա տեղափոխվել է վրացական «Մերանիից»: Ժամանակին Խուբուան ներկայացրել է Վրաստանի Մ-17 հավաքականը:
Լեգիոներներից «Արարատում» իրենց ելույթները կշարունակեն Ումարու Կաինան և Մոյսես Օրոզկոն, ինչպես նաև` հայազգի ֆուտբոլիստներ Արամ Հայրապետյանը և Ռաֆֆի Կայան: Կոտդիվուարցի պաշտպան Սուլեյման Կոնեն, ով փորձաշրջան կանցնի պորտուգալական «Վիտորիա Գիմարաեշ» թիմում, նույնպես գործող պայմանագիր ունի «Արարատի» հետ:
Հետևեք մեզ նաև Telegram-ում