Ստուգողական խաղում «Բանանցը» հաղթել է «Ալաշկերտ 2»-ին
07/02/2016 16:25
Նմանատիպ
Հայաստանի Բարձրագույն խմբի առաջնության երկրորդ շրջանին պատրաստվող «Բանանցն» այսօր ստուգողական հանդիպում է անցկացրել «Ալաշկերտ 2»-ի հետ:
Տիտո Ռամալյոյի սաները 4:0 հաշվով վստահ հաղթանակ են տոնել. դուբլի հեղինակ է դարձել Ացամազ Բուրաևը, մեկական անգամ աչքի են ընկել Զավեն Բադոյանը և Հակոբ Հակոբյանը:
Նշենք, որ փետրվարի 8-ին «Բանանցը» ստուգողական հանդիպում կանցկացնի «Բանանց 2»-ի հետ, իսկ փետրվարի 11-ին կմեկնի Կիպրոս, որտեղ Բարձրագույն խմբի առաջնության երկրորդ շրջանի վերսկսումից առաջ կկայանա թիմի վերջին ուսումնամարզական հավաքը:
Ստուգողական հանդիպում
«Բանանց» – «Ալաշկերտ 2»՝ 4:0
Գոլերը՝ Ացամազ Բուրաև 10՛, Զավեն Բադոյան 12՛, Ացամազ Բուրաև 36՛, Հակոբ Հակոբյան 40՛