Կապելո. «Ռեալում» չեն կարող մտածել, թե «Ռոմայի» հետ հեշտ հանդիպում են անցկացնելու
Նմանատիպ
Իտալացի մարզիչ Ֆաբիո Կապելոն չի կարծում, թե Չեմպիոնների լիգայի 1/8 եզրափակիչ փուլի՝ «Ռոմա»-«Ռեալ» դիմակայությունում մադրիդյան թիմը միանշանակ ֆավորիտ է:
-Եկեք ասենք, որ «Ռեալն» այժմ սկսել է ավելի ինքնավստահ խաղալ, բայց մադրիդցիները պետք է զգույշ ու ուշադիր լինեն: «Ռոման» վտանգավոր թիմ է, և «Ռեալում» չեն կարող մտածել, թե հեշտ հանդիպում է լինելու:
Հետևեք Սպալետիին. նա արդեն 3 խաղ անընդմեջ հաղթանակ է տոնել, փոխել է թիմի մարտավարությունը: Նրա գլխավորությամբ «Ռոմայի» ֆուտբոլիստներն ինքավստահ են ու հավատում են մարզչի գաղափարներին: «Ռոման» ավելի կազմակերպված թիմ է դարձել և մրցակիցների վրա ճնշում է գործադրում,-Կապելոյի խոսքը մեջբերված է «Football Italia»-ից:
Հավելենք, որ «Ռոմա»-«Ռեալ» առաջին հանդիպումը կայանալու է Հռոմում, փետրվարի 17-ին, իսկ պատասխան խաղը կայանալու է մարտի 8-ին, Մադրիդում:
Հետևեք մեզ նաև Telegram-ում