«Բանանցը» ոչ-ոքի է խաղացել «Դինամոյի» երիտասարդական թիմի հետ
Նմանատիպ
Կիպրոսի ուսումնամարզական հավաքի շրջանակում «Բանանցը» վերջին ստուգողական հանդիպումն է անցկացրել: Տիտո Ռամալյոյի թիմը գոլազուրկ ոչ-ոքի է խաղացել Մոսկվայի «Դինամոյի» երիտասարդական թիմի հետ: Այս խաղով ավարտվել է «Բանանցի» ուսումնամարզական հավաքը, թիմը Երևան կվերադառնա փետրվարի 21-ին:
Ակումբի մամուլի ծառայությունից տեղեկանում ենք, որ այս հանդիպումից առաջ Տիտո Ռամալյոն հանգստանալու հնարավորություն է տվել այն վեց ֆուտբոլիստներին, ովքեր բոլորից շատ խաղաժամանակ են ստացել հավաքի ընթացքում: Հանդիպմանը չեն մասնակցել Ստեփան Ղազարյանը, Վլատկո Դրոբարովը, Կլաուդիո Տոռեխոնը, Միգել Լոպեսը, Զավեն Բադոյանը և Լայերսիոն:
«Բանանցի» կազմում խաղին մասնակցել են.
Գրիգոր Մակարյան – Սոսլան Կալմանով, Յասմին Մեցինովիչ, փորձարկվող ֆուտբոլիստ, Վահագն Այվազյան – Հակոբ Հակոբյան, Նաիրի Մինասյան, Վլադիմիր Բաբայան – Դենիս Մահմուդով, Էդգար Մովսիսյան, Ացամազ Բուրաև:
Երկրորդ խաղակեսում փոխարինման են դուրս եկել Պետրոս Ավետիսյանը, Սոսլան Կալմանովը, Վալտեր Պողոսյանը, Գևորգ Խուլոյանը, Հովհաննես Իլանգյոզյանը, Նարեկ Պետրոսյանը և Ասլան Կալմանովը:
Հիշեցնենք, որ ավելի վաղ «Բանանցը» 0:5 հաշվով պարտվել է սերբական «Չուկարիչկի» թիմին և նվազագույն հաշվով հաղթել է կիպրոսյան «Էրմիսին»:
Հետևեք մեզ նաև Telegram-ում