Արտագնա խաղում «Բորուսսիան» հաղթեց «Բայերին» (տեսանյութ)
Նմանատիպ
Գերմանիայի առաջնության 22-րդ տուրում Լևերկուզենի «Բայերը» հյուրընկալել էր Դորտմունդի «Բորուսսիային»:
«Բայ Արենայում» կայացած հանդիպման առաջին կեսը բավականին ձանձրալի ստացվեց. թիմերը կենտրոնացել են պաշտպանական գործողությունների վրա և մեծաթիվ վտանգավոր գրոհներ չէին կազմակերպում:
Երկրորդ կեսում խաղը հետաքրքրացավ, սակայն ավելի շատ գլխավոր մրցավար Ֆելիքս Ցվայերի ջանքերով: 64-րդ րոպեին Էրիկ Դուրմի փոխանցումից հետո դորտմունդյան թիմին առաջ մղեց Պյեր-Էմերիկ Օբամեյանգը:
Գոլից հետո «Բայերի» ֆուտբոլիստները վիճաբանեցին Ցվայերի հետ, իր դժգոհությունն արտահայտեց նաև դաշտի տերերի գլխավոր մարզիչ Ռոջեր Շմիդտը, ինչից հետո մրցավարը դադարեցրեց խաղն ու հեռացավ խաղադաշտից: Մրցավարին հետևեցին նաև թիմերը: Որոշ ժամանակ անց խաղը վերսկսեց, սակայն հաշվի մեջ նոր փոփոխություններ չարձանագրվեցին:
Rekan kami, Felix Zwayer WO karena penonton pada teriak, Wasit jancok dibunuh sajaaaaaa. pic.twitter.com/D8awWObNCT
— Komisi Wasit (@MafiaWasit) 21 февраля 2016
Այս հաղթանակից հետո «Բորուսսիան» ունի 51 միավոր և շարունակում է զբաղեցնել մրցաշարային աղյուսակի երկրորդ հորիզոնականը, իսկ «Բայերը» մնաց չորրորդ հորիզոնականում՝ ակտիվում ունենալով 35 միավոր:
Հավելենք, որ Հայաստանի ազգային հավաքականի կիսապաշտպան Հենրիխ Մխիթարյանը «Բորուսսիայի» մեկնարկային կազմում էր և մասնակցեց ամբողջ խաղին:
Գերմանիայի առաջնություն, 22-րդ տուր
«Բայեր Լևերկուզեն» – «Բորուսսիա Դորտմունդ»՝ 0:1
Գոլը՝ Օբամեյանգ 64′