Կապելոն հրաժարվել է գլխավորել «Միլանը»
08/03/2016 12:11
Նմանատիպ
Իտալացի հայտնի մասնագետ Ֆաբիո Կապելոն հրաժարվել է «Միլանի» նախագահ Սիլվիո Բեռլուսկոնի՝ ակումբի նոր գլխավոր մարզիչը դառնալու առաջարկից, հավաստիացնում է «Rai»-ն։
Բեռլուսկոնին զանգահարել է Կապելոյին, և նրանք երկար զրուցել են։ «Ռոսոներիների» առաջարկը լսելով՝ մասնագետը հարգալից մերժումով է պատասխանել։
«Միլանը» դիտակում է Կապելոյին որպես ներկայիս գլխավոր մարզիչ Սինիշա Միխայլովիչին փոխարինող, ով, ինչպես ավելի վաղ հաղորդում էին որոշ իտալական լրատվամիջոցներ, մրցաշրջանի ավարտին կդադարեցնի աշխատանքը միլանյան ակումբում։
Կապելոն նախկինում գլխավորել է «Միլանը»՝ հաղթելով Չեմպիոնների լիգայում, նվաճելով ՈւԵՖԱ-ի սուպերգավաթը, չորս անգամ դառնալով Իտալիայի չեմպիոն և երեք անգամ՝ երկրի սուպերգավաթակիր։
Հետևեք մեզ նաև Telegram-ում