ԸԵԱ. Ֆրանգուլյանը կպայքարի բրոնզե մեդալի համար, Գրիգորյանը դուրս մնաց պայքարից
Նմանատիպ
Հայաստանի ներկայացուցիչները Եվրոպայի առաջնության քառորդ եզրափակիչ գոտեմարտերում պարտություններ կրեցին։
61 կգ քաշային Վոլոդյա Ֆրանգուլյանը 1/4 եզրափակչում 0:5 հաշվով պարտվեց աշխարհի չեմպիոն, Վրաստանը ներկայացնող Վլադիմիր Խինչեգաշվիլիին։ Խինչեգաշվիլին հաղթել է կիսաեզրափակչում և դուրս եկել եզրափակիչ, ինչը Ֆրանգուլյանին հնարավորություն է տալիս պայքարելու բրոնզե մեդալի համար։
Սփոփիչ գոտեմարտում մեր մարզիկի մրցակիցը Մակեդոնիան ներկայացնող Յասին Ռեդյալարին էր։ Կամային պայքարում Ֆրանգուլյանը 17:8 հաշվով հաղթանակ տարավ և հնարավորություն ստացավ մասնակցելու բրոնզե մեդալի համար գոտեմարտին։ Երրորդ տեղի համար գոտեմարտում Ֆրանգուլյանի մրցակիցը կլինի ադրբեջանցի Հաջի Ալիևը։
74 կգ քաշային կարգում Գրիգոր Գրիգորյանը 1:12 հաշվով պարտվեց Թուրքիան ներկայացնող Սոներ Դեմիրտասին։ Գրիգորյանի մրցակիցը դուրս եկավ եզրափակիչ, սակայն սփոփիչ գոտեմարտում մեր մարզիկը 0:10 հաշվով պարտվեց Ռուսաստանի ներկայացուցիչ Զաուր Մակիևին և զրկվեց բրոնզե մեդալի համար պայքարելու հնարավորությունից։
Հետևեք մեզ նաև Telegram-ում