ԸԵԱ. Հայ մարզիկների հաջող մեկնարկը

Ռիգայում ընթացող ըմբշամարտի Եվրոպայի առաջնությունում այսօր պայքարի մեջ են մտել հունահռոմեական ոճի ըմբիշները։

Մեր մարզիկների ելույթներն առայժմ հաջող են։ 59 կգ քաշային կարգում Ռոման Ամոյանը 1/8 եզրափակչում 9:0 հաշվով վաղաժամ հաղթանակ է տարել խորվաթ Իվան Լիզատովիչի նկատմամբ։

66 կգ քաշային Միհրան Հարությունյանը որակավորման փուլում տարած հաղթանակից հետո 1/8 եզրափակչում դժվարին պայքարում 2:3 հաշվով զիջել է լատվիացի Նիկիտա Մասյուկսին: Եթե լատվիացին հասնի եզրափակիչ, Միհրանը բրոնզե մեդալի համար պայքարելու հնարավորություն կստանա:

98 քաշային կարգում աշխարհի գործող չեմպիոն Արթուր Ալեքսանյանը 1/8 եզրափակչում 8:0 հաշվով հաղթել է Ուկրաինան ներկայացնող Դմիտրի Տիմչենկոյին։

130 կգ քաշային կարգում Էդգար Խաչատրյանը որակավորման փուլում 9:0 հաշվով վաղաժամ հաղթանակ է տարել ավստրիացի Լուկաս Հյորմենի նկատմամբ և դուրս եկել 1/8 եզրափակիչ։