ԸԵԱ. Կարապետ Չալյանը կպայքարի բրոնզե մեդալի համար

Լատվիայի մայրաքաղաք Ռիգայում ընթացող ըմբշամարտի Եվրոպայի առանության մրցումային վերջին օրը մրցագորգ են դուրս եկել 71 կգ, 75 կգ, 80 կգ և 85 կգ քաշային կարգի ըմբիշները:

75 կգ քաշային կարգում Հայաստանի ներկայացուցիչ Կարապետ Չալյանը որակավորման փուլում 7:6 հաշվով հաղթեց գերմանացի Յան Պոտերին: 1/8 եզրափակչում Չալյանը 10:5 հաշվով հաղթեց բուլղարացի ըմբիշին, իսկ 1/4 եզրափակչում 0:8 հաշվով պարտվեց վրացի Զուրաբի Դատունաշվիլիին: Վերջինս դուրս եկավ եզրափակիչ, ինչը թույլ տվեց Չալյանին շարունակելու պայքարը: Սփոփիչ գոտեմարտում հայ ըմբիշը 8:0 հաշվով հաղթեց թուրք Էմրա Սուլեյման Կուսին: Բրոնզե մեդալի համար հայ ըմբիշը կպայքարի ադրբեջանցի Էլվին Մուրսալիևի հետ:

80 կգ քաշային Ռաֆիկ Մանուկյանը պայքարը սկսեց 1/8 եզրափակչից, որտեղ 4:2 հաշվով հաղթեց Ուկրաինայի ներկայացուցչին: Քառորդ եզրափակչում Մանկուկյանը զիջեց Լեհաստանի ներկայացուցիչ Էդգար Բաբայանին, ով դուրս եկավ եզրափակիչ՝ հնարավորություն տալով Մանուկյանին շարունակելու պայքարը: Սփոփիչ գոտեմարտում Հայաստանի ներկայացուցիչը 0:2 հաշվով զիջեց թուրք մարզիկին:

85 կգ քաշային Մաքսիմ Մանուկյանը որակավորման փուլում 3:0 հաշվով պարտության մատնեց չեխ մրցակցին, իսկ 1/8 եզրափակչում 6:11 հաշվով պարտվեց Եվգենի Սալաևին: Վերջինս լքեց պայքարը, իսկ Մանուկյանը զրկվեց սփոփիչ գոտեմարտ անցկացնելու հնարավորությունից:

Հիշեցնենք, որ 71 կգ քաշային Վարշամ Բորանյանը պայքարելու է ոսկե մեդալի համար:

Լուսանկարը՝ ՀԱՕԿ լրատվականի: