Հայտնի է՝ ովքեր են մասնակցելու Սերբիայի վարկանիշային մրցաշարին
24/03/2016 11:41
Նմանատիպ
Հունահռոմեական ոճի ըմբշամարտի Հայաստանի հավաքականի գլխավոր մարզիչ Լևոն Ջուլֆալակյանը հայտարարել է Սերբիայի վարկանիշային մրցաշարին մասնակցող հունահռոմեական ոճի ըմբիշների անունները: Այս մասին հայտնում է ՀԱՕԿ-ի պաշտոնական կայքը։
Ռիոյի Օլիմպիական խաղերի վարկանիշների համար կպայքարեն Ռոման Ամոյանը (59 կգ), Կարապետ Չալյանը (75 կգ), Արթուր Շահինյանը (85 կգ) և Էդգար Խաչատրյանը (130 կգ): Մարզիկների հետ մրցատեղի կմեկնեն հավաքականի մարզիչներ Սամվել Գևորգյանը և Էդուարդ Սահակյանը:
Հիշեցնենք, որ հունահռոմեական ոճի ըմբիշներից Հայաստանի համար ուղեգիր արդեն նվաճել են Միհրան Հարությունյանը և Արթուր Ալեքսանյանը:
Առաջին վարկանիշային մրցաշարը կկայանա ապրիլի 15-17-ը Սերբիայի Զրենյանին քաղաքում:
Հետևեք մեզ նաև Telegram-ում