Մեսսին դատի պատճառով չի մասնակցի Ամերիկայի գավաթի առաջին խաղին
Նմանատիպ
Արգենտինայի հավաքականի հարձակվող Լիոնել Մեսսին բաց կթողնի Ամերիկայի գավաթի 2016 թվականի խաղարկության առաջին հանդիպումը, հաղորդում է «El Mundo» պարբերականը։
«Բարսելոնայի» ֆուտբոլիստը Իսպանիայում պետք է դատարանում ցուցմունք տա, քանի որ մեղադրվում է հարկերի հետ կապված երեք հանցագործությունների մեջ։ Ակնկալվում է, որ գործի լսումները կտևեն չորս օր։ Արդյունքում Մեսսին, ամենայն հավանականությամբ, չի կարողանա մասնակցել Չիլիի հավաքականի դեմ արտագնա խաղին, որը տեղի է ունենալու հունիսի 6-ին։
Մեսսին, մասնավորապես, մեղադրվում է 2007-2009 թվականների ընթացքում 4,1 միլիոն եվրոյի չափով հարկային պարտավորությունների կատարումից խուսափելու մեջ։ Իսպանիայի պետական շահերի պաշտպանության մարմինը Մեսսիի համար 22,6 ամսվա ազատազրկում և գումարային տուգանք է պահանջում։ Դատախազությունն իր հերթին հարկային հանցագործությունների մեջ է մեղադրում ֆուտբոլիստի հորը՝ պահանջելով նրա համար 18 ամսվա ազատազրկում։
Հետևեք մեզ նաև Telegram-ում