Խան. Մեյվեզերը զգում է, որ ոչ ոք այլևս չի խոսում իր մասին
Նմանատիպ
Բրիտանացի բռնցքամարտիկ Ամիր Խանը հայտարարել է, որ կհրաժարվի մենամարտել Ֆլոյդ Մեյվեզերի հետ, եթե վերջինս որոշի ռինգ վերադառնալ: Օրերս Մեյվեզերը հայտարարել էր, որ իրեն մեծ գումարներ են խոստանում ռինգ վերադառնալու համար:
-Ես չեմ ցանկանում մենամարտել Մեյվեզերի հետ այն ամենից հետո, ինչ նա արել է ինձ հետ: Երկար ժամանակ նա ինձ հիմարեցնում էր, այնպես որ՝ ես կհրաժարվեմ այդ մենամարտից: Նա փչացրել է իմ ծրագրերը, այնպես որ՝ ես նրա հետ նույն ձև կվարվեմ:
Ֆլոյդը, հավանաբար, զգում է MGM-ի վրա իր նկարի պակասը: Նա նայում է իմ և Ալվարեսի նկարներին և մտածում է, որ մարդիկ մոռացել են իր մասին: Մեյվեզերը զգում է, որ ոչ ոք այլևս չի խոսում իր մասին, նա այլևս նորությունների հերոս չէ: Դրա համար էլ փորձում է աջակցություն ստանալ և խոսում է հավանական վերադարձի մասին,-Խանի խոսքը մեջբերված է «BoxingScene»-ից:
Հավելենք, որ մայիսի 7-ին Ամիր Խանը մենամարտելու է WBC վարկածով աշխարհի չեմպիոն Սաուլ Ալվարեսի հետ:
Հետևեք մեզ նաև Telegram-ում