ԱԱ. Անուշ Գրիգորյանը դուրս եկավ 1/8 եզրափակիչ
Նմանատիպ
Ղազախստանի մայրաքաղաք Աստանայում շարունակվում է բռնցքամարտի կանանց աշխարհի առաջնությունը։
Այսօր ռինգ դուրս եկավ 51 կգ քաշային Անուշ Գրիգորյանը։ 1/16 եզրափակչում մեր մարզուհու մրցակիցը ճապոնացի Վադա Մադոկան էր։ Լարված մենամարտում Անուշը 3։0 հաշվով առավելության հասավ մրցակցուհու նկատմամբ և պայքարը կշարունակի 1/8 եզրափակչում, որտեղ նրա մրցակիցը կլինի Ֆրանսիան ներկայացնող Սառա Ուրահմուն։
Հիշեցնենք, որ Անուշը 1/32 եզրափակչում 3։0 հաշվով առավելության էր հասել Ուկրաինան ներկայացնող Տատյանա Կոբուի նկատմամբ:
Հայաստանի մյուս ներկայացուցիչ, 60 կգ քաշային Աշխեն Հովհաննիսյանը 1/32 եզրափակչում 0։3 հաշվով զիջել էր ուկրանիուհի Յուլյա Ցիպլակովային և զրկվել օլիմպիական ուղեգրի համար պայքարելու հնարավորությունից։
Հիշեցնենք, որ այս առաջնության ժամանակ առաջին 4 տեղերը գրաված մարզուհիները իրավունք են ստանում մասնակցելու Ռիոյում կայանալիք Օլիմպիական խաղերին։
Լուսանկարը՝ ՀԱՕԿ լրատվականի
Հետևեք մեզ նաև Telegram-ում