«Ճանապարհ դեպի Ռիո». Բռնցքամարտիկ Արթուր Հովհաննիսյան
Նմանատիպ
Ռիո դե ժանեյրոյի 31-րդ ամառային Օլիմպիական խաղերի մեկնարկից ճիշտ 60 օր առաջ Հայաստանի ազգային օլիմպիական կոմիտեի պաշտոնական կայքը սկսում է «Ճանապարհ դեպի Ռիո» նախագիծը, որտեղ կներկայացվեն Օլիմպիական խաղերում Հայաստանը ներկայացնող մարզիկները և մեր օլիմպիականների լուսանկարները, որոնք արվել են լուսանկարիչ Հակոբ Բերբերյանի կողմից՝ հատուկ «Ճանապարհ դեպի Ռիո» նախագծի համար:
Նախագիծը սկսվում է բռնցքամարտի Հայաստանի հավաքականի անդամ, Օլիմպիական խաղերում Հայաստանը ներկայացնող կրտսեր բռնցքամարտիկ Արթուր Հովհաննիսյանից: Նա առաջինն էր, ով Թուրքիայի Սամսուն քաղաքում կայացած վարկանիշային մրցաշարում դուրս եկավ 49 կգ քաշայինների եզրափակիչ՝ միևնույն ժամանակ ապահովելով իր ուղեգիրը: 20-ամյա Արթուրը ծնունդով գյումրեցի է, համեստ է և զուսպ:
-Խաղերին ի՞նչ թալիսման ես հետդ տանելու:
-Ես թալիսմաններ չունեմ: Իմ խաչն է ինձ հետ:
-Ու՞մ կուզեիր կողքիդ կամ հանդիսատեսի շարքում տեսնել:
-Հայրիկիս և եղբորս:
-Ու՞մ հետ ես առաջինը կիսելու հաջողությունդ:
– Ծնողներիս:
-Երեք բառով նկարագրիր Օլիմպիական խաղերը:
-Ուժ, փառք, հաղթանակ:
-Ինչպե՞ս կուզեիր, որ հիշվեին այս Օլիմպիական խաղերը:
-Չեմպիոնական (ժպտում է):
Հետևեք մեզ նաև Telegram-ում