Երիտասարդ հունահռոմեականները մեկ բրոնզե մեդալով են վերադառնում Եվրոպայի առաջնությունից
23/06/2016 10:23
Նմանատիպ
Հունահռոմեական ոճի հայ ըմբիշներն ավարտեցին իրենց ելույթները Ռումինիայում ընթացող ըմբշամարտի Եվրոպայի երիտասարդական առաջնությունում:
Հունիսի 22-ին մրցագորգ դուրս եկած 4 հայ ըմբիշներից միայն 55 կգ քաշային Արարատ Մանուչարյանը հնարավորություն ուներ նվաճելու բրոնզե մեդալ, սակայն 1:2 հաշվով պարվեց Ռուսաստանի ներկայացուցիչ Արթուր Պետրոսյանին: Այսպիսով՝ հունահռոմեական ոճի Հայաստանի երիտասարդական հավաքականը հայրենիք է վերադառնում 1 բրոնզե մեդալով, որը նվաճել էր 60 կգ քաշային Գևորգ Խումարյանը:
Հավելենք, որ ազատ ոճային ըմբիշները իրենց մրցելույթները կսկսեն հունիսի 25-ից:
Աղբյուր՝ ՀԱՕԿ լրատվական։
Հետևեք մեզ նաև Telegram-ում