«Ալաշկերտը» Երևան-Թբիլիսի-Երևան անվճար ուղևորություն է կազմակերպում
06/07/2016 13:54
Նմանատիպ
Հուլիսի 12-ին Հայաստանի չեմպիոն «Ալաշկերտը» Թբիլիսիում կանցկացնի Չեմպիոնների լիգայի որակավորման երկրորդ փուլի առաջին հանդիպումը տեղի «Դինամոյի» հետ:
«Ալաշկերտի» ղեկավարությունն ուղևորություն է կազմակերպում դեպի Թբիլիսի այն ֆուտբոլասերների համար, ովքեր ցանկություն ունեն դիտելու խաղն ու աջակցելու Հայաստանի չեմպիոնին: Ակումբի մամուլի ծառայությունից տեղեկանում ենք, որ Երևան-Թբիլիսի-Երևան ուղևորությունն անվճար է: «Ալաշկերտի» ղեկավարությունը ֆուտբոլասերներին կտրամադրի նաև խաղի տոմսեր:
Ցանկացողները գրանցվելու համար մինչև հուլիսի 11-ը անձնագրերով պետք է դիմեն «Բագրատուր» գրասենյակ, հասցե՝ Սարյան 25: Ավտոբուսները Երևանից կմեկնեն հուլիսի 12-ին՝ ժամը 10:00-ին, Գլխավոր Փոստի դիմացից (Սարյան փողոց):
Հետևեք մեզ նաև Telegram-ում