Պաշտոնական. Բեռլուսկոնին վաճառեց «Միլանը»

Իտալական «Միլանը» պաշտոնապես վաճառվել է չինացի ներդրողներին, հայտնում է ակումբի մամուլի ծառայությունը։

«Միլանի» սեփականատեր Սիլվիո Բերլուսկոնիին պատկանող Fininvest ընկերությունը վաճառել է ակումբի բաժնետոմսերի 99,93 տոկոսը։ «Ռոսոներիների» ընդհանուր արժեքը գնահատվել է 740 միլիոն եվրո, ներառյալ ակումբի 220 միլիոն եվրոյի պարտքը: Պայմանավորվածություն կա, որ առաջիկա երեք տարիներին նոր սեփականատերերն ակումբի զարգացման համար պետք է 350 միլիոն եվրոյի ներդրում անեն։

Մինչև պայմանագրի ստորագրումը ներդրողները 15 միլիոն եվրոյի կանխավճար պետք է տան, ապա՝ ևս 85 միլիոնի չափով։