Ռիո-2016․ Արսեն Ջուլֆալակյանը չի պայքարի բրոնզե մեդալի համար
14/08/2016 18:50
Նմանատիպ
Արդեն տեղեկացրել ենք, որ 31-րդ ամառային Օլիմպիական խաղերի հունահռոմեական ոճի ըմբշամարտի 75 կգ քաշային կարգի 1/16 եզրափակչում Արսեն Ջուլֆալակյանը պարտվել է Բուլղարիայի ներկայացուցիչ Դանիել Ալեքսանդրովին։
Եթե Ալեքսանդրովը շարունակեր հաղթական գոտեմարտեր անցկացնել և դուրս գար եզրափակիչ, Ջուլֆալակյանը սփոփիչ գոտեմարտերի մասնակցելու և բրոնզե մեդալի համար պայքարելու հնարավորություն կստանար, սակայն բուլղարացի ըմբիշը դուրս մնաց պայքարից։ 1/8 եզրափակչում Ալեքսանդրովը 0։8 հաշվով զիջեց հունգարացի Պետեր Բաչիին։
Հավելենք, հունահռոմեական ոճի ըմբշամարտի մրցումներում պայքարը դեռ չեն սկսել Միհրան Հարությունյանը, Մաքսիմ Մանուկյանը և Արթուր Ալեքսանյանը։
Լուսանկարը՝ ՀԱՕԿ լրատվականի։
Հետևեք մեզ նաև Telegram-ում