Առաջատարն ու չեմպիոնը ոչ-ոքի խաղացին (տեսանյութ)
Նմանատիպ
Հայաստանի Բարձրագույն խմբի առաջնության չորրորդ տուրում մրցաշարային աղյուսակի առաջատար «Շիրակը» հյուրընկալեց գործող չեմպիոն «Ալաշկերտին»։
Հանդիպման հաշիվը բացվեց 16-րդ րոպեին․ «Ալաշկերտի» կազմում ինքնագոլի հեղինակ դարձավ Գագիկ Դաղբաշյանը։ Խաղակեսի վերջնամասում դաշտի տերերը կրկնապատկեցին առավելությունը․ 44-րդ րոպեին աչքի ընկավ Վիուլեն Այվազյանը։
Երկրորդ խաղակեսում Աբրահամ Խաշմանյանի սաներին հաջողվեց երկու գոլ խփել և խուսափել պարտությունից․ նախ գոլի հեղինակ դարձավ Իրակլի Կվեկվեսկիրին, ապա Ալեքսանդր Տաշիչը։
Այժմ «Շիրակն» ունի 10 միավոր և միաձնյա գլխավորում է մրցաշարային աղյուսակը, իսկ «Ալաշկերտը» զբաղեցնում է երկրորդ հորիզոնականը՝ առաջատարին զիջելով 2 միավորո։
Բարձրագույն խումբ, 4-րդ տուր
«Շիրակ» – «Ալաշկերտ»՝ 2։2
Գոլերը՝ Դաղբաշյան 16՛, Այվազյան 44՛ – Կվեկվեսկիրի 47՛, Տաշիչ 61՛