Կերբերը՝ ԱՄՆ-ի Բաց առաջնության չեմպիոնուհի (տեսանյութ, ֆոտոշարք)

ԱՄՆ-ի Բաց առաջնության կանանց մրցաշարի եզրափակիչ խաղում գերմանուհի Անժելիկ Կերբերը 6։3, 4։6, 6։4 հաշվով հաղթեց Լեհաստանի ներկայացուցիչ Կարոլիա Պլիշկովային։

2 ժամ, 7 րոպե տևած հանդիպման ընթացքում Կերբերի ակտիվում գրանցվեց 1 էյս, 2 կրկնակի սխալ, 21 վիններս, 4 բրեյք-փոյնթ, իսկ Պլիշկովան թույլ տվեց 4 կրկնակի սխալ և իրացրեց 7 հնարավոր բրեյք-փոյնթերից 2-ը։

«Մեծ Սաղավարտի» մրցաշարերում սա Անժելիկ Կերբերի երկրորդ հաղթանակն է․ այս տարի թենիսիստուհին հաղթել է նաև Ավստրալիայի Բաց առաջնությունում։ Կարիերայի ընթացքում նվաճած տիտղոսների քանակը Կերբերը հասցրեց 10-ի։