«Ինտերը» համաձայնել է վճարել Յոնաս Հեկտորի համար պահանջվող գումարը

Գերմանիայի հավաքականի ու «Քյոլնի» պաշտպան Յոնաս Հեկտորը գտնվում է «Ինտերի» հետաքրքրության շրջանակում:

Football-italia.net-ը հայտնում է, որ միլանցիները հունվարին մտադիր են ձեռք բերել 26-ամյա ֆուտբոլիստի տրանսֆերը: Գերմանական ակումբը պաշտպանի համար պահանջում է 30 միլիոն եվրո: «Ինտերը» պատրաստ է վճարել այդ գումարը:

Հեկտորի նոր համաձայնագիրն «այծերի» հետ կնքվել է օգոստոսին և նախատեսված է մինչև 2021 թվականը: