Ֆորմուլա 1-ի վերջին Գրան-պրի. Հեմիլթոնը հաղթել է որակավորման փուլը
27/11/2016 10:56
Նմանատիպ
Աբու Դաբիում կայացել է Ֆորմուլա 1-ի 2016 թվականի վերջին՝ 21-րդ Գրան-պրիի որակավորման փուլը:
Երեք մրցափուլերի արդյունքով ամենաարագ արդյունքը ցույց է տվել «Մերսեդեսի» ավտոարշավորդ Լյուիս Հեմիլթոնը: Աշխարհի գործող չեմպիոնի լավագույն արդյունքն է 1 րոպե 38,755 վայրկյան:
Երկրորդ տեղը զբաղեցրել է բրիտանացու թիմակից և ընթացիկ առաջնության առաջատար Նիկո Ռոսբերգը: Գերմանացին Հեմիլթոնին զիջել է 0,303 վայրկյանով:
Իր կարիերայի ընթացքում առաջին անգամ աշխարհի չեմպիոն դառնալու համար Ռոսբերգին հարկավոր է գլխավոր մրցման ժամանակ զբաղեցնել նվազագույնը երրորդ տեղը:
Հետևեք մեզ նաև Telegram-ում