USD
EUR
RUB

Արտակ Օսեյան. Մեր ֆուտբոլիստներն իրենց պոտենցիալի դեռ քիչ տոկոսն են օգտագործում

 

Հայաստանի առաջնության օրացույցային տարին ավարտվեց 17-րդ տուրի «Ալաշկերտ» – «Փյունիկ» խաղով, գրանցվեց 0:0 հաշիվը: Խաղից հետո հյուրերի գլխավոր մարզիչ Արտակ Օսեյանն ամփոփեց հանդիպումն ու իր գլխավորությամբ անցած կես տարին:

Երիտասարդ մասնագետն ինչպես միշտ հակված էր հարցերին կարճ պատասխաններ տալուն:

«Կարելի է ասել այսօր երկկողմանի որակյալ խաղ ստացվեց: Բազմաթիվ գոլային պահեր կային: Կարծում եմ՝ մենք ավելի շատ վտանգավոր պահեր ունեինք, կարող էինք հաղթել: Սակայն նշեմ, որ մրցակիցն էլ գոլ խփելու համար բավականաչափ հնարավորություններ ուներ: Հաշվի առնելով մեր կադրային խնդիրները՝ «Փյունիկի» ցուցադրած խաղը նորմալ եմ գնահատում»,- ասաց Օսեյանը։

«Փյունիկի» առաջատարներից Կամո Հովհաննիսյանը մնացել էր պահեստայինների նստարանին և միայն երկրորդ կեսում փոխարինման մտավ: Sport.times.am հարցին, թե որն էր նման կարևոր խաղում Հովհաննիսյանին անմիջապես խաղադաշտ դուրս չբերելու պատճառը, 29-ամյա մասնագետի պատասխանը սպառիչ էր․ «Կամոն վատառողջ էր և պատրաստ չէր 90 րոպե խաղալուն»:

Երկրորդ կեսում Կամո Հովհաննիսյանի փոխարինմանը նախորդեց ուշագրավ մի դրվագ: Ռազմիկ Հակոբյանը խաղադաշտի եզրային գծի մոտ ոչ սպառնալից իրավիճակում կոպիտ խախտում կատարեց և դեղին քարտի արժանացավ: Օսեյանը դրան անմիջապես արձագանքեց այդ ֆուտբոլիստի փոխարինմամբ: Sport.times.am-ը երևանյան թիմի մարզչից պարզեց, թե արդյո՞ք խախտումն էր փոխարինման պատճառը. 

«Ոչ միայն: Այդ խախտման դրվագը չէր առաջնայինը: Մենք Ռազմիկին տակտիկական առաջադրանք էինք տվել, սակայն նրա մոտ այդքան էլ լավ չէր ստացվում»:



Sport.times.am-ը տվեց նաև իր ավանդական հարցը․ տակտիկական տեսանկյունից մարզչական շտաբի ծրագրածից ի՞նչը ստացվեց և ի՞նչը՝ ոչ:

«Եթե նկատեցիք, ետ քաշված էինք գործում և մրցակցին դիմավորում էինք դաշտի կենտրոնական հատվածում: Փորձում էինք օգտագործել առջևի գծի մեր ֆուտբոլիստների արագությունը: Կարելի է ասել՝ դրվագներով դա մեզ մոտ ստացվեց: Մի քանի գոլային պահերն արագ հակագրոհներից հետո առաջացան»,- ասաց մարզիչը։

Ֆուտբոլային տարին ավարտվեց: Օսեյանի գլխավորությամբ օգոստոսից հանդես եկող «Փյունիկի» ելույթները մարզիչը հետևյալ կերպ ամփոփեց․

«Եթե մեկ խոսքով՝ տարին նորմալ եմ գնահատում: Նորմալ էր այն առումով, որ մենք տեսնում ենք, թե թիմն ինչպիսի պոտենցիալ ունի և առավել քան համոզված եմ, որ մեր ֆուտբոլիստները ավելացնելու շատ տեղ ունեն: Նրանք իրենց պոտենցիալի դեռ քիչ տոկոսն են օգտագործում»։

Ինչպես հայտնի է, «Փյունիկը» խաղում է տեղացի երիտասարդ ֆուտբոլիստներով և իր սաներով, սակայն ակումբի քաղաքականությունում կա որակյալ լեգիոներների հրավիրելու փորձ։ Դեռ վառ են հիշողությունները Սեզար Ռոմերոյից, ով Հայաստանի առաջնության մակարդակից մի քանի գլուխ բարձր էր: Օսեյանը խոսեց ձմեռային տրանսֆերային պատուհանի ժամանակ լեգիոներներ հրավիրելու հնարավորության մասին:

«Նպատակներ կան, բայց դրանք ինքնանպատակ չեն: Ամեն գնով լեգիոներ հրավիրելու մտադրություն չունենք: Եթե մեր թիմին արտասահմանցի միանա, ապա դա կլինի մեր ակումբի քաղաքականության շրջանակում»,- ասաց մարզիչը։

Sport.times.am-ը նաև տեղեկացավ, թե «Փյունիկն» արդե՞ն ծրագրել է մրցաշրջանի երկրորդ կեսի նախապատրաստական շրջանը․

«Կարելի է ասել՝ ծրագրերը մոտավոր արդեն պարզ են: Հավաքներ արտասահմանո՞ւմ: Հնարավոր է՝ լինեն»,- պատասխանեց Արտակ Օսեյանը։

 

Հայկ Հովհաննիսյան

Լրահոս
Էլինա Դանիելյանը հաղթեց ադրբեջանցուն Հայտնի է՝ որքան կկազմի Մեսսիի աշխատավարձը ՊՍԺ-ում․ աղբյուր Պարի Սեն-Ժերմենի սեփականատիրոջ եղբայրը հայտարարել է Մեսսիի հետ բանակցությունների ավարտի մասին Տոկիո-2020․ Բաչկովը՝ Օլիմպիական խաղերի բրոնզե մեդալակիր Լիոնել Մեսսին լքում է Բարսելոնան Տոկիո-2020․ Մեդալային հաշվարկն այս պահի դրությամբ․ Հայաստանը 61-րդ տեղում է Տոկիո-2020․ Սիմոն Մարտիրոսյանը՝ արծաթե մեդալակիր Տոկիո-2020. Արթուր Ալեքսանյանը՝ արծաթե մեդալակիր Տոկիո-2020․ Չալյանը պարտվեց բրոնզե մեդալի համար գոտեմարտում Chessable Masters․ Արոնյանը դուրս եկավ քառորդ եզրափակիչ Օլիմպիական բրոնզի համար Կարապետ Չալյանը կգոտեմարտի ադրբեջանցու հետ Տոկիո-2020․ Կարեն Ասլանյանը հաղթեց աշխարհի ու Եվրոպայի չեմպիոնին Բաչկովը հիանալի հաղթանակ տարավ և դուրս եկավ կիսաեզրափակիչ։ Առնվազն բրոնզե մեդալն ապահովված է «Յուվենթուսը», «Բարսելոնան» և «Ռեալը» հերթական մեծ հայտարարությունն են արել Սուպերլիգայի վերաբերյալ Բաչկովի հաղթանակն ադրբեջանցու նկատմամբ` տեսանյութով Տոկիո-2020. հայ մարզիկների մրցակիցները օգոստոսի 1-ին Հենրիխ Մխիթարյան․ Երբեք չեմ խաղացել պարզապես հաճույքի համար, կարևոր են տիտղոսները Չինացի ծանրորդը դարձավ Օլիմպիական չեմպիոն՝ նոր համաշխարհային ռեկորդ սահմանելով Շախմատի ԱԳ․ Հայկ Մարտիրոսյանը դուրս մնաց պայքարից Տոկիո-2020. Բռնցքամարտիկ Արմեն Դարչինյանի առաջին մրցակիցն հայտնի է Տոկիո 2020․ Հայ մարզիկները սկսել են մեդալային պայքարը Տոկիո-2020․ Մեդալային հաշվարկն այս պահի դրությամբ Մխիթարյանը՝ Մոուրինյուի հետ հարաբերությունների մասին Հայ մարմնամարզիկի հրաշալի ելույթը Տոկիոյի Օլիմպիական խաղերում. ԼՈՒՍԱՆԿԱՐՆԵՐ «Ռեալը» պատրաստ է օգնել «Բարսելոնային» պահպանել Լեոնել Մեսսիին Հայկ Մարտիրոսյանը դուրս եկավ աշխարհի գավաթի 1/8 եզրափակիչ Հայկ Մարտիրոսյանը դուրս թողեց Շահրիյար Մամեդյարովին աշխարհի գավաթի խաղարկությունից Մարտիրոսյանը հաղթել է թուրք շախմատիստին, Սարգսյանը թայ–բրեյք կխաղա ադրբեջանցու հետ Լևոն Արոնյանն առողջական խնդիրներ ունի Մեսին 5 տարվա պայմանագիր կստորագրի «Բարսելոնա»-ի հետ Բարսելոնան և Աթլետիկոն մոտ են աստղային ֆուտբոլիստների փոխանակմանը Պաշտոնական․ Ռամոսը՝ ՊՍԺ-ի ֆուտբոլիստ Ինչպես է Ռոնալդուն ընտանիքի հետ վայելում ծովափնյա հանգիստը (լուսանկարներ) Էրիկ Առստամյանը նոկաուտով հաղթել է թուրք բռնցքամարտիկին. ՏԵՍԱՆՅՈՒԹ Արոնյանը հաղթեց աշխարհի չեմպիոնին և դուրս եկավ եզրափակիչ Instagram-ում մեկ հրապարակման համար Ռոնալդուն ստանում է 1.35 միլիոն եվրո «Բարսելոնայի» նախագահը խոսել է Մեսսիի հետ նոր պայմանագրի շուրջ բանակցությունների մասին Goldmoney Asian Rapid․ Արոնյանը կիսաեզրափակչում է «Ռոմայի» ֆուտբոլիստը հետաքրքրում է «Բարսային», «Ռեալին» և ՊՍԺ-ին Այսօր վերջին օրն է
Ամենաընթերցված
website by Sargssyan