USD
EUR
RUB

Ամենաբարձր վարձատրվող ֆուտբոլիստները

 

Կառլոս Տևեսն աշխարհի ամենաբարձր վարձատրվող ֆուտբոլիստն է: Տեսնենք՝ էլ ովքե՞ր կարող են կղզիներ ու նավեր գնելու համար գումար շռայլել:

10. Հալկ, «Շանհայ Տելեյս» -12 մլն եվրո

Գաղտնիք չէ, որ բրազիլացին փող շատ է սիրում: Այստեղ քննադատելու ոչինչ չկա, բայց թվում է, որ նա կարող էր ավելի հաջող կարիերա կերտել, եթե այլ սկզբունքներով առաջնորդվեր: Հիմա Հալկը խաղում է Ասիայում և չինացի գործարարների շնորհիվ տարեկան 12 մլն եվրո աշտավարձ ստանում։

9. Պոլ Պոգբա, «Մանչեսթեր Յունայթեդ» -13 մլն եվրո

Ֆրանսիացին նախ անվճար հեռացավ «Մանչեսթեր Յունայթեդից», ապա շքեղ պայմաններով վերադարձավ: Անգլիական ակումբը ոչ միայն ավելի քան 100 մլն եվրո վճարեց նրա համար, այլ թագավորական պայմաններ առաջարկեց: ԱՊԼ-ում Պոգբան հիմա չի փայլում, բայց հսկայական գումար է վաստակում:

8. Լուիս Սուարես, «Բարսելոնա» -14 մլն եվրո

Եթե ցանկություն ունեք գնելու Սուարեսի տրանսֆերը, խնդիր չկա. վճարեք 200 մլն եվրո: Հենց այդքան արժե նրա հրաժարագինը: «Բարսելոնայում» Սուարեսից ավելի վաստակող ֆուտբոլիստներ էլ կան, սակայն նա եվրոպական ֆուտբոլի ամենաբարձր վարձատրվող կենտրոնական հարձակվողն է: Վատ չէ, այնպես չէ՞:

7. Նեյմար, «Բարսելոնա» -15 մլն եվրո

Նեյմարը բավականաչափ ապահովված երիտասարդ է: Դեռ հստակ հայտնի չէ, թե 2 ամիս առաջ «Բարսելոնայի» հետ կնքած նոր պայմանագրով նա որքան է վաստակում: Շատ հավանական է, որ իրականում նա այս աղյուսակի 2-րդ հորիզոնականին է արժանի, բայց իսպանական ԶԼՄ-ները հավաստիացնում են, որ բրազիլացին «ընդամենը» 15 մլն եվրո է ստանում: Եվս 10 մլն Նեյմարը կարող է ստանալ բոնուսներով։

6. Գրացիանո Պելե, «Շանդուն Լունեն» -16 մլն եվրո

Պելեն երբեք բարձրակարգ ֆուտբոլիստ կամ աստղ չի եղել: Պարզապես որակյալ հարձակվող, ով լավ է խաղացել Ա Սերիայում և «Սաութհեմփթոնում»: Որևէ մեկը չէր սպասում, որ նա կդառնա աշխարհի ամենաապահովված ֆուտբոլիստներից մեկը, սակայն Չինաստանում այլ կարծիք ունեն․․․

5. Գարեթ Բեյլ, «Ռեալ» - 18 մլն եվրո

Ուելսցին ևս կարող է չմտածել ծախսերի մասին։ Նա ամեն օր կարող է Մադրիդի ամենահայտնի ռեստորաններից սնունդ պատվիրել ու վայելել այն իր առանձնատանը: Այս ամենն այն բանի շնորհիվ, որ «Ռեալում» բավականին բարձր է վարձատրվում: Տարեկան 18 մլն եվրո, և Բեյլն այս աղյուսակի միջնամասում է:

4. Օսկար, «Շանհայ Տելեյս» - 20 մլն եվրո

Չինաստանում ֆուտբոլի համար խելահեղ գումար է ծախսվում: Ֆուտբոլիստները հենց դրա համար ամեն տեղից այնտեղ են գնում: Նրանց թվում է նաև «Չելսիի» նախկին կիսապաշտպան Օսկարը: Բրազիլացուն կարելի է հասկանալ, քանի որ ամեն օր չէ, որ 25-ամյա տղային 20 մլն եվրո աշխատավարձ են առաջարկում: Նա նաև եզակի հնարավորություն ունի նույն թիմում խաղալու Հալկի հետ ու լսելու Անդրե Վիլաշ-Բոաշի խրատները։

3. Լիոնել Մեսսի, «Բարսելոնա» - 21 մլն եվրո

Մեսսիի հեռանալու մասին շշուկներն արագ ու ամենուր տարածվեցին, բայց իրականությունն այլ է: Արգենտինացին շարունակում է փայլել հարազատ ակումբում, բայց նա այդ հրաշքներն անվճար չի գործում. 21 մլն եվրո՝ 1 տարվա համար: Այլ հարց է այն, որ իսպանական մամուլում անընդհատ շրջանառվում են նոր պայմանագրի մասին լուրերը: Ասում են՝ կատալոնական ակումբի ղեկավարությունը պատրաստ է Մեսսիին տարեկան 35 մլն եվրո վճարել, միայն թե նա երկարաձգի մինչև 2018 թվականը նախատեսված պայմանագիրը։

2. Կրիշտիանու Ռոնալդու, «Ռեալ» - 22 մլն եվրո

Անցյալ տարվա նոյեմբերի 7-ին պորտուգալացին «Ռեալի» հետ նոր պայմանագիր կնքեց: Մինչև 2021թ. գործող պայմանագրի արժեքը 22 մլն եվրո է: Հիշեցնենք, որ շուտով Ռոնալդուն 32 տարեկան կդառնա: Հիշեցնենք, որ խոսքը չոր աշխատավարձի մասին է՝ առանց բոնուսների, գովազդներից ստացած գումարի:

1. Կառլոս Տևես, «Շանհայ Շենհուա» - 40 մլն եվրո

Դժվար թե արգենտինացին աշխատավարձից բողոքելու որևէ առիթ ունենա: Չինաստանում Տևեսը պարզապես աներևակայելի գումարի հետ գործ ունի: Նա 2010-ին հայտարարեց․ «Հոգնել եմ, որ ֆուտբոլում բոլորին միայն գումարն է հետաքրքրում: Ես այդպիսին չեմ ու ցանկանում եմ կարիերայիս վերջին տարիներն անցկացնել իմ հարազատ «Բոկա Խունիոսում»: Ինչպես երևում է 40 մլն եվրո, փոքր-ինչ փոխում է մարդկանց:

Լրահոս
Ռոդրին` ԱՊԼ-ի ռեկորդների հեղինակ Հայտնի է՝ որ ըմբիշները կմասնակցեն Բուդապեշտում կայանալիք օլիմպիական վարկանիշային մրցաշարին Ռոնալդու. Մբապեն ֆուտբոլի ապագան է Էդգար Մանուչարյանը միացել է Ալաշկերտին Մխիթարյանը պատրաստ է Գենկի դեմ հանդիպմանը. Ռոման շարունակում է մարզումները Շիրակի նախկին ֆուտբոլիստը կարիերան կշարունակի Իռլանդիայում Պաշտոնական․ Ուկրաինացի ֆուտբոլիստը տեղափոխվեց երևանյան ակումբ Բավարիայի կիսապաշտպանը ` Յուվենտուսի դիտակետում Բորուսիա Դ․-ՊՍԺ հանդիպման բոլոր գոլերն ու վտանգավոր պահերը (տեսանյութ) ՉԼ. Սաուլի միակ գոլի շնորհիվ Աթլետիկոն հաղթեց Լիվերպուլին Նեյմարը մեղադրել է ՊՍԺ-ի բժիշկներին և ակումբի ներկայացուցիչներին «Լոս Անջելես Գելաքսին» դիտարկում է Մեսսիին ձեռք բերելու տարբերակը Նախապատրաստվելով հաջորդ խաղին. Մխիթարյանը մարզումային լուսանկարներ է հրապարակել «Միլանը» 9-րդ անգամ անընդմեջ չի պարտվել Վրդովված եմ, որ Բարսայի ներկայիս ղեկավարությունը կիրառում է մաֆիային բնորոշ պրակտիկա․ Ժոան Լապորտա Իտալիայում գլխավոր մարզիչը հարվածել է իր ֆուտբոլիստին փոխարինելուց հետո ու հեռացվել Եռացատկորդ Լևոն Աղասյանը արծաթե մեդալ է նվաճել Ստամբուլում կայացած մրցաշարում «Այնպես չէ, որ խորթ թիմ է». Ուրարտուն նոր համալրում ունի Բարսելոնան դժվարին հաղթանակ տարավ Խետաֆեի նկատմամբ (տեսանյութ) Ըմբշամարտի ԵԱ․ Արսեն Հարությունյանը հաղթեց Բիլեյչուկին և դուրս եկավ կիսաեզրափակիչ Ըմբշամարտի ԵԱ. Միհրան Ջաբուրյանը դուրս եկավ կիսաեզրափակիչ (տեսանյութ) Soccerex․ Ամենամեծ ֆինանսական ներուժ ունեցող ակումբները Կցանկանայի խաղալ Ռոնալդուի հետ, նրան բոլոր ժամանակների լավագույն ֆուտբոլիստներից մեկն եմ համարում. Ռակիտիչ Զվարթնոցում դիմավորել են ԵԱ-ի չեմպիոն Գևորգ Ղարիբյանին, բրոնզե մեդալակիրներ Կարեն Ասլանյանին ու Կարապետ Չալյանին (ֆոտոշարք) Գանձասար-Կապանը դարպասապահների նոր մարզիչ ունի Տուխելը չի բացառել, որ Նեյմարը կարող է բաց թողնել Բորուսիայի դեմ խաղը Ի՞նչ անել, երբ Զիդանը հարվածել է ձեր մեքենային … իհարկե, սելֆի (լուսանկար) Լիվերպուլը միացավ Սանչոյի համար պայքարին Իտալիայի գավաթ․ Նապոլին Ֆաբիան Ռուիսի գոլի շնորհիվ հաղթեց Ինտերին (տեսանյութ) Եթե մենք չհաղթահարենք Ռեալի արգելքը, ինձ կարող են հեռացնել. Գվարդիոլա Ռազմիկ Գրիգորյանը` «Դիլիջան» ՖԱ-ի գլխավոր մարզիչ Կարեն Ասլանյանը Եվրոպայի առաջնության բրոնզե մեդալակիր Տոկիո-2020․ Կերբերն ու Զվերևը միասին կարող են խաղալ միքսթում Պետրոս Ավետիսյանն առաջին գոլն է խփել Տոբոլի կազմում (տեսանյութ) Լևոն Ղասաբօղլյանը կգլխավորի ղազախական ակումբ (լուսանկար) Ըմբշամարտի ԵԱ. Գևորգ Ղարիբյանը հռչակվեց Եվրոպայի չեմպիոն Աբրահամ Խաշմանյանը հրաժարական է տվել ֆուտբոլի հավաքականի գլխավոր մարզչի պաշտոնից Տվեք ինձ ցանկացած այլ ակումբ և ես կդադարեմ հաղթել. Պեպ Գվարդիոլա Էդմոնդ Նազարյանը հռչակվեց Եվրոպայի չեմպիոն Մահացել է Մոսկվայի Սպարտակի լեգենդար ֆուտբոլիստը
website by Sargssyan