USD
EUR
RUB

Չեմպիոնների լիգա․ Ինչո՞ւ «Ռեալը» պետք է զգուշանա 3:1 հաշվից

 

«Նապոլիի» առջև բարդ խնդիր է դրված. «Ռեալին» առաջին խաղում 1:3 հաշվով պարտվելուց հետո հաղթել ընդհանուր դիմակայությունում։ Բարդ է, բայց ոչ անհնար, քանի որ Չեմպիոնների լիգայի գործող գավաթակիրը նման իրավիճակներում պարտվելու տխուր փորձ արդեն ունի:

Վիճակագրությունը փաստում է, որ 3:1 հաշիվն անհաջող է «Ռեալի» համար: Մադրիդցիները եվրագավաթային խաղերում այդ հաշվով առաջին խաղերում հաղթել են 8 անգամ, բայց ճանապարհը շարունակել են 4 դեպքում: Մադրիդցիների ցուցանիշն իրապես տարբերվում է ընդհանուրից. ՈւԵՖԱ-ի բոլոր մրցաշարերում առաջին խաղերում 3:1 հաշվով հաղթած թիմերը 329-ից 254 դեպքում շարունակել են պայքարը (77.2%): 

Ներկայացնում ենք Չեմպիոնների լիգայի պատմության նախորդ 8 դեպքերը, երբ «Ռեալն» առաջին խաղում հաղթել է 3։1 հաշվով։

Չեմպիոնների գավաթի կիսաեզրափակիչ, 1956-57թթ․
«Ռեալ» - «Մանչեսթեր Յունայթեդ»՝ 3:1
«Մանչեսթեր Յունայթեդ» - «Ռեալ»՝ 2:2 (ընդհանուր՝ 3:5)

«Ռեալը», որը մեկ մրցաշրջան առաջ դարձել էր Չեմպիոնների գավաթի առաջին հաղթողը, դիմակայեց լեգենդար Մեթ Բասբիի թիմին: Մադրիդցիները հաղթեցին առաջին խաղում, երկու գնդակ էլ պատասխան խաղում խփեցին: «Մանչեսթեր Յունայթեդը» պարտվեց, բայց դա այնքան արդյունավետ արեց, որ «Ռեալի» նախագահ Սանտյագո Բեռնաբեուն Բասբիին աշխատանք առաջարկեց: Անգլիացին հրաժարվեց, բայց ընկերացավ Բեռնաբեուի հետ, և երբ «Մանչեսթեր Յունայթեդի» հիմնական կազմն ավիավթարի ենթարկվեց, «Ռեալը» բրիտանական ակումբին օգնեց ոտքի կանգնել:

Չեմպիոնների գավաթի կիսաեզրափակիչ, 1959-60թթ․
«Ռեալ» - «Բարսելոնա»՝ 3:1
«Բարսելոնա» - «Ռեալ» 1:3 (ընդհանուր՝ 2:6)

Առաջին խաղում երկու անգամ աչքի ընկավ Ալֆրեդո դի Ստեֆանոն, մեկ գնդակ էլ խփեց Ֆերենց Պուշկաշը, ով դուբլի հեղինակ դարձավ արդեն պատասխան խաղում: «Ռեալը» դուրս եկավ Գլազգոյի եզրափակիչ, որտեղ պարտության մատնեց «Այտրախտին»՝ 7:3: Էլենիո Էրերայի «Բարսելոնան», որն ավելի վաղ «Ռեալից» խլել էր Իսպանիայի չեմպիոնի տիտղոսը, եվրոպական արենայում պարտվողի դերում էր: Կատալոնական ակումբը հաջորդ մրցաշրջանում ռևանշի հասավ և ընդհատեց Չեմպիոնների գավաթում «Ռեալի» հաղթական շարքը:

ՈւԵՖԱ-ի գավաթի երկրորդ տուր, 1971-72թթ․
«Ռեալ» - ՊՍՎ՝ 3:1
ՊՍՎ - «Ռեալ»՝ 2:0 (ընդհանուր՝ 3:3, ՊՍՎ-ն հաղթեց դիմակայությունում արտագնա խաղում խփած գնդակի հաշվին)

Այստեղից սկսվեցին «3:1» հաշվի հետ կապված «Ռեալի» անհաջողությունները: Մադրիդցիները Գավաթների գավաթի 1970-71թթ․ մրցաշրջանում հաղթեցին ՊՍՎ-ին, բայց հաջորդ մրցաշրջանում հոլանդացիները ռևանշի Էֆա Մյուլդերսի և Ուկի Խուկեմայի գոլերի շնորհիվ։

Չեմպիոնների գավաթի երկրորդ տուր, 1978-79թթ․
«Ռեալ» - «Գրասհոպերս»՝ 3:1
«Գրասհոպերս» - «Ռեալ»՝ 2:0 (ընդհանուր՝ 3:3, «Գրասհոպերսը» հաղթեց արտագնա խաղում խփած գնդակի հաշվին)

ՈւԵՖԱ-ի գավաթի 1978-ի կիսաեզրափակիչ հասած Ցյուրիխի ակումբը իսպանական թիմերի հետ նախորդ բոլոր հանդիպումներում պարտություն էր կրել, սակայն «Ռեալի» հետ դիմակայությունում հաջողությունը ժպտաց համեստ թիմին: Իրավաբանական համալսարանի ուսանող ու ՖԻՖԱ-ի Կարգապահական կոմիտեի ապագա ներկայացուցիչ Կլաուդիո Սուլսերը դարձավ շվեյցարական ակումբի հերոսը պատասխան խաղում ձևակերպած դուբլի շնորհիվ: Այդ առաջնությունում նա ընդհանուր 11 գնդակ խփեց և դարձավ լավագույն ռմբարկուն:

ՈւԵՖԱ-ի գավաթի 1/4 եզրափակիչ, 1981-82թթ․
«Ռեալ» - «Կայզերսլաութերն»՝ 3:1
«Կայզերսլաութերն» - «Ռեալ»՝ 5:0 (ընդհանուր՝ 6:3)

Գերմանիա այցը «Ռեալին» իր պատմության երկու ամենախոշոր պարտություններից մեկը բերեց եվրոպական արենայում: Հանս-Պետեր Բրիգելը, ով արդեն 17-րդ րոպեին 2 գնդակ էր խփել, իսպանացիների համար դարձավ չար հանճար: Պետք է ընդգծել, որ վերջնական արդյունքի վրա զգալի ազդեցություն ունեցան Սան Խոսեի և Լոուրի Կանինգհեմի կարմիր քարտերը, որոնց խաղի վերջում ավելացավ Ֆրանսիսկո Պինեդայի հեռացումը։

Գավաթների գավաթի երկրորդ տուր, 1982-83թթ․
«Ռեալ» - «Ույպեշտ»՝ 3:1
«Ույպեշտ» - «Ռեալ»՝ 0:1 (ընդհանուր՝ 1:4)

Այդ մրցաշրջանի եզրափակչում մադրիդցիները պարտվեցին «Աբերդինին», բայց փոխարենը ժամանակավորապես ընդհատեցին սեփական դաշտում 3:1 հաշվից հետո պարտվելու «սովորությունը»: 

ՈւԵՖԱ-ի գավաթի 1/4 եզրափակիչ, 1992-93թթ․
«Ռեալ» - «Պարի Սեն Ժերմեն»՝ 3:1
«Պարի Սեն Ժերմեն»-«Ռեալ»՝ 4:1 (ընդհանուր՝ 5:4)

Դավիդ Ժինոլան երկու խաղերում էլ գոլի հեղինակ դարձավ և ֆրանսիացիների համար վառ հաղթանակ ապահովեց: Պատասխան հանդիպման արդեն ավելացված րոպեներին Իվան Սամորանոյի գոլը, թվաց, մադրիդցիներին կփրկի պարտությունից, սակայն մնացած ժամանակը բավարարեց Անտուան Կոմբուարեին դիմակայության հաղթական գնդակը խփելու համար։

ՈւԵՖԱ-ի Չեմպիոնների լիգայի 1/4 եզրափակիչ, 2002-03թթ․
«Ռեալ» - «Մանչեսթեր Յունայթեդ»՝ 3:1
«Մանչեսթեր Յունայթեդ» - «Ռեալ»՝ 4:3 (5:6)

«Օլդ Թրաֆֆորդի» խաղը Չեմպիոնների լիգայի ամենավառ հակամարտություններից է: Գործող չեմպիոնների շարքում հրաշալի խաղ ցուցադրեց Ռոնալդոն: Բրազիլացին հեթ-տրիկ ձևակերպեց ու դաշտից հեռացավ «Մանչեսթեր Յունայթեդի» երկրպագուների ծափահարությունների ներքո: «Կարմիր սատանաները»  դուրս մնացին պայքարից, բայց պատասխան խաղում հաղթեցին Դևիդ Բեքհեմի դուբլի շնորհիվ: 

Հավելենք, որ «3։1» հաշվի հետ կապված տխուր հիշողություններ ունի նաև «Նապոլին»: Նախորդ և միակ անգամը, երբ թիմը հասավ Չեմպիոնների լիգայի 1/8 եզրափակիչ (2011-12թթ․), առաջին խաղում 3։1 հաշվով հաղթեց «Չելսիին», սակայն Լոնդոնում զիջեց 1։4 հաշվով։

Լրահոս
Հավաքականի 3 ֆուտբոլիստ Whoscored-ի վարկածով` ԱL-ի C դիվիզիոնի 2-րդ խմբի` տուրի խորհրդանշական հավաքականում Altibox Norway Chess. Արոնյանը հաղթեց 9-րդ տուրում, Կարլսենը՝ մրցաշարի հաղթող Սոլոմոն Ուդոն նշեց նորամուտը Հայաստանի հավաքականում Ազարը չի խաղա Բարսելոնայի դեմ Դենիս Ջորկաեֆը կոչով դիմել է Էմանուել Մակրոնին (տեսանյութ) Հայտնի է Էստոնիա-Հայաստան խաղը սպասարկող մրցավարական անձնակազմը Ըմբշամարտ. Աշխարհի առաջնությունը կկայանա Բելգրադում Հայերի հզոր երթը. Մխիթարյանը՝ Լոս Անջելեսի բողոքի ցույցերի մասին Հայաստանի համար. Ալաշկերտի չեռնոգորացի դարպասապահի գրառումը՝ Ադրբեջանին հաղթելուց հետո Արցախում արիաբար զոհվել է Նաիրի բասկետբոլի թիմի սան Աշոտ Խաչատրյանը Բաչկով․ Ձեր կողքին ենք, զինվոր եղբայրներ Նշան Մունչյան․ Բոլորս պետք է համախմբված լինենք՝ որպես մի բռունցք, մի սիրտ, մի հավատ Հայաստանի հավաքականը ժամանեց Լեհաստան (լուսանկարներ) Մարզիկ Էրիկ Օհանյանը վիրավորվել է առաջնագծում Norway Chess. Արոնյանը պարտվեց 4-րդ տուրում Հովհաննես Բաչկովն այսօր կանցկացնի իր առաջին մենամարտը պրոֆեսիոնալ ռինգում Մալանգ Սարրը կարիերան կշարունակի Պորտուի կազմում ՈՒԵՖԱ-ն փոխել է Հայաստան-Վրաստան հանդիպման անցկացման վայրը Մխիթարյանը շնորհակալություն է հայտնել Ռոնդա Ռոուզիին Արցախին աջակցելու համար Ադրբեջանի ագրեսիայի հետևանքով զոհվել է բասկետբոլի պատանեկան հավաքականի նախկին անդամը Պաշտոնական. Հայաստան-Ալբանիա խաղը չեղարկվել է Ալեկո Էսկանդարյան. Թույլ մի տվեք ձեզ շեղվել այն փաստից, որ Թուրքիան/Ադրբեջանը անմեղ հայերի են սպանում Արցախում Ադամյանն ու Օզբիլիսը իրենց աջակցությունն են հայտնել հայ զինվորներին Մխիթարյանի մտքերն Արցախում են. Ռոման աջակցում է հայ ֆուտբոլիստին ու պատրաստ է հանգիստ տալ Բունդեսլիգա․Այնտրախտը արտագնա խաղում հաղթեց Հերտային. ՏԵՍԱՆՅՈՒԹ Զիդան. Մենք հրաշալի կազմ ունենք Լիգա 1․ Լիլը հաղթանակ տարավ և գլխավորեց մրցաշարային աղյուսակը Էդգար Բաբայանը խփել է հաղթական գնդակն ու հեռացվել խաղադաշտից ԵԼ․ Արարատ-Արմենիան դժվարին պայքարում հաղթեց Ցելյեին ու դուրս եկավ որակավորման փլեյ-օֆֆ (տեսանյութ) Սուարեսը հաջող բուժզննում անցավ ու պայմանագիր ստորագրեց Ֆարերյան թիմը ջախջախեց Թբիլիսիի Դինամոյին, Միլանն ու Տոտենհեմը շարունակում են պայքարը․ ԵԼ-ի 3-րդ որակավորման փուլի ամփոփում Բեյլը՝ Ռեալից հեռանալու մասին. Ոչ մի բանի համար չեմ զղջում Դրաքսլերը հրաժարվել է տեղափոխվել Լիդս Պյանիչ. Բավարիայից կրած 2-8 հաշվով պարտությունն ուղղակի պատահականություն էր Բավարիան լրացուցիչ ժամանակում հաղթեց Սևիլիային ու նվաճեց ՈՒԵՖԱ-ի սուպերգավաթը (տեսանյութ) Բարսելոնան վերջին փորձերը կանի Մարտինեսի տրանսֆերը գնելու համար ԵԼ․ Արարատ-Արմենիան դժվարին պայքարում հաղթեց Ցելյեին ու դուրս եկավ որակավորման փլեյ-օֆֆ (տեսանյութ) Սուարեսը «Բարսելոնայի» բազան լքել է արցունքոտ աչքերով Մոուրինյո․ Կարծում եմ՝ Զիդանը ուրախ է Բեյլի հեռանալու կապակցությամբ Ռեալը կարող է 100 միլիոն եվրո վճարել Մբապեի համար, եթե նա ՊՍԺ-ի հետ պայմանագիրը չերկարաձգի
website by Sargssyan