Մարադոնա. Ավելի հեշտ է զանգահարել Արգենտինայի նախագահին, քան Մեսսիին
31/03/2017 18:14
Նմանատիպ
Համաշխարհային ֆուտբոլի լեգենդ Դիեգո Մարադոնան հայտարարել է, որ չի կարողանում կապ հաստատել «Բարսելոնայի» ու Արգենտինայի հավաքականի հարձակվող Լիոնել Մեսսիի հետ:
Մունդիալ-86-ի հերոսը ցանկացել է խոսել 29-ամյա ֆուտբոլիստի հետ, որպեսզի իր աջակցությունը հայտնի ՖԻՖԱ-ի կողմից սահմանված 4-խաղյա որակազրկման կապակցությամբ:
«Ավելի հեշտ է զանգահարել Արգենտինայի նախագահին, քան Մեսսիին: Լիոնելին զանգելն իսկական պատմություն է»,- «Radio Rivadavia»-ին ասել է Դիեգոն:
Ուշագրավ է, որ ավելի վաղ Բարաք Օբաման, ով այդ ժամանակ ԱՄՆ-ի նախագահն էր, չէր կարողացել իր դստրերի համար հանդիպում կազմակերպել Մեսսիի հետ: Միայն հետո, երբ Լեոն իմացել էր այդ մասին, համաձայնել էր հանդիպել Օբամա քույրերի հետ:
Հետևեք մեզ նաև Telegram-ում