Պողոսովան առաջին անգամ` աշխարհի առաջնության ութ ուժեղագույնների մեջ
Նմանատիպ
Բուլղարիայի Պլովդիվ քաղաքում ընթացող սուսերամարտի աշխարհի երիտասարդական առաջնությունում պայքարն ավարտել են խոցասուսերակիր աղջիկները (154 մասնակից),- գրում է ՀԱՕԿ-ի պաշտոնական կայքը:
Հայաստանը ներկայացնող Էմմա Պողոսովան, նախնական փուլում տանելով հինգ հաղթանակ, մտել է պայքարը շարունակող 128 մարզուհիների մեջ: Այս փուլից պայքարը շարունակվում էր օլիմպիական մրցակարգով՝ պարտվողը լքել է ասպարեզը:
Էմմա Պողոսովան, պայքարից դուրս թողնելով ավստրալացի, ամերիկացի, եգիպտացի, շվեյցարացի մրցակիցներին, հայտնվել է ութ ուժեղագույնների խմբում և միայն այստեղ պարտվել ԱՄՆ-ն ներկայացնող Քեթրին Նիքսոնին: Արդյունքում, Էմման զբաղեցրել է 5-8-րդ տեղերը:
Պողոսովայի մարզիչ Արտաշես Մադոյանը տեղեկացրել է, որ անկախ Հայաստանի պատմության մեջ առաջին անգամ է, որ հայ սուսերամարտիկը տեղ է զբաղեցնում աշխարհի երիտասարդ ուժեղագույն խոցասուսերակիրների լավագույն ութնյակում:
Հետևեք մեզ նաև Telegram-ում