«Marca». Պեպեն ՊՍԺ-ի փոխարեն կտեղափոխվի «Ինտեր»
14/05/2017 10:49
Նմանատիպ
«Ռեալի» պաշտպան Պեպեն չի տեղափոխվի «Պարի Սեն Ժերմեն», ինչպես ավելի վաղ նշում էին իսպանական լրատվամիջոցները:
«Marca»-ն գրում է, որ պորտուգալացին որոշել է չընդունել փարիզցիների առաջարկը և տեղափոխվել «Ինտեր»: 34-ամյա ֆուտբոլիստը միլանցիների հետ կնքելու է «2+1» տարվա պայմանագիր: Նրա տարեկան աշխատավարձը կազմելու է 5 միլիոն եվրո:
Ավելի վաղ հայտնի էր դարձել, որ Պեպեն մերժել է Չինաստանում կարիերան շարունակելու տարբերակը, ինչպես նաև «Ռեալի» հետ մեկամյա համաձայնագիր ստորագրելու առաջարկը: «Արքայական ակումբում» 10 տարի անցկացրած ֆուտբոլիստը մադրիդցիներից պահանջել է նվազագույնը երկու տարվա պայմանագիր:
Նշվում է, որ Քարդիֆում կայանալիք Չեմպիոնների լիգայի եզրափակչից հետո Պեպեն հրաժեշտ կտա իր թիմակիցներին ու կմեկնի Իտալիա:
Հետևեք մեզ նաև Telegram-ում