Գվարդիոլա. «Բարսելոնայում» կամ «Բավարիայում» ինձ արդեն պաշտոնանկ արած կլինեին
16/05/2017 12:18
Նմանատիպ
«Մանչեսթեր Սիթիի» գլխավոր մարզիչ Խոսեպ Գվարդիոլան գնահատել է ընթացիկ մրցաշրջանում իր աշխատանքը:
«Երբ «Բարսելոնան» էի գլխավորել, ինձ վրա ահռելի ճնշում էր գործադրվում, սակայն այն ժամանակ ոչինչ չունեի պաշտպանելու: «Բարսելոնայում» կամ «Բավարիայում», եթե ոչինչ չեք նվաճում, ձեզ պաշտոնանկ են անում: Այդ ակումբներում հաղթանակներ են հարկավոր: Եթե չես հաղթում, քեզ երկրորդ շանս չեն տալիս:
«Մանչեսթեր Սիթիում» ինձ երկրորդ շանս տվեցին, և մենք կփորձենք օգտագործել այն: Կրկնում եմ՝ «Բավարիայի» ու «Բարսելոնայի» պես մեծ ակումբներում ինձ արդեն պաշտոնանկ արած կլինեին: Հաջորդ մրցաշրջանում ավելի լավ կխաղանք»,- կատալոնացու խոսքն է մեջբերում «Goal.com»-ը:
Հետևեք մեզ նաև Telegram-ում