USD
EUR
RUB

Բագրատ Նավոյան. Չպետք է «խեցգետնի, կարապի ու գայլաձուկի» պես լինենք

 

Երևանի «Ալաշկերտն» իր պատմության ընթացքում երկրորդ անգամ դարձավ Հայաստանի չեմպիոն: Ակումբի նախագահ Բագրատ Նավոյանն այդ կապակցությամբ կիսվեց տպավորություններով: Լրագրողների հետ զրույցում նա ասաց, թե ինչն է նման լուրջ արդյունքի գրավականը:

«Ամեն ինչ անում էինք, որ «Ալաշկերտը» պահպանի տիտղոսը: Չեմպիոն դառնալը հեշտ է, իսկ պահպանելը` շատ ավելի դժվար: Ինքս զգացի դա: Այժմ մեր միակ նպատակը Չեմպիոնների լիգայում երկրորդ փուլը հաղթահարելն է: Թիմի կազմում անպայման կլինեն նորեկներ: Գաղտնիք է, բայց կասեմ` հունիսի 11-ին թիմը մեկնելու է Բելառուս` ուսումնամարզական հավաքի: 10 օր այնտեղ ենք լինելու: Ընկերական խաղեր կկայանան «Ժալգիրիսի» ու Մինսկի «Դինամոյի» հետ: Դա շատ օգուտ կտա թիմիբ: Արտասահմանից մեզ կմիանան 2-3 խաղացողներ, որպեսզի թիմն ավելի ուժեղացնեն»:

Այսօր միայն «Ալաշկերտը» հնարավորություն ուներ չեմպիոնի կոչումը նվաճելու, ուստի զարմանալի էր, որ գավաթը նախապես բերված չէր մարզադաշտ և չհանձնվեց թիմին: Sport.Times.am-ը հարցրեց, թե երևանցիները երբ են այն ստանալու․

«Պատրաստվում ենք խնդրել ֆեդերացիային, որ վերջին տուրի մեր ու «Արարատի» միջև հանդիպումը կայանա «Հանրապետական» մարզադաշտում, որտեղ և հանձնվի գավաթը: Եթե իհարկե ֆեդերացիան ու «Արարատը» համաձայնեն»:



Ընթացիկ մրցաշրջանում «Ալաշկերտը» 4 մարզիչ է գլխավորել (Աբրահամ Խաշմանյան, Սերգեյ Էրզրումյան, Կարեն Բարսեղյան, Արամ Ոսկանյան): Sport.Times.am-ը երևանյան ակումբի ղեկավարից հետաքրքրվեց՝ արդյո՞ք բոլոր մասնագետներին մեդալներ շնորհվելու են:

«Յուրաքանչյուր մարզիչ իր ներդրումն ունի: Մեծ աշխատանք է կատարել մեր նախորդ մարզիչը` Արամ Ոսկանյանը: Աշխատանք է կատարել նաև Կարեն Բարսեղյանը, բայց հիմնական գործն արել է մեր «կոմանդիրը»` Աբրահամ Խաշմանյանը: Կարելի է այդ մարզիչներին մեդալ ուղարկել: Չգիտեմ՝ ի՞նչն էր Արամ Ոսկանյանին գայթակղել, «Բանանցի» շքեղությո՞ւնը․․․ Կարծում եմ, որ չի կարելի չեմպիոնին թողնել և սկսել մարզել 5-րդ տեղի թիմը: Նա ինձ խնդրել է, ես էլ ընդառաջել եմ, որ հեռանա: Նա մեծ աշխատանք է կատարել «Ալաշկերտում» և այն, որ մենք այսօր չեմպիոն ենք, դրանում նա նույնպես մեծ լումա ունի»:

Ազգային հավաքականում «Ալաշկերտի» 4 ֆուտբոլիստ է հրավիրված: Նորընծա չեմպիոնի նախագահն ավելին է ակնկալում․

«Շատ լավ է «Ալաշկերտի» համար, որ 4 ֆուտբոլիստ հավաքականում են: Կարծում եմ, որ կան այլ խաղացողներ, ովքեր ևս արժանի են հրավերքին: Դա արդեն հավաքականի մարզիչներն են որոշում: Ես գոհ եմ ներկայիս թվից, բայց հույս ունեմ, որ մյուս տարի այն ավելի մեծ կլինի»:



Աբրահամ Խաշմանյանն իր խոսքում նշել էր, որ Նավոյանն արդեն ավելի ճկուն աշխատանք է վարում: Վերջինիս հարց տրվեց, թե իր գործելաոճում ի՞նչ փոփոխություններ է տեսնում․

«Իմ աշխատանքում հարկավոր է մաքսիմալիստ լինել՝ պետք է չեմպիոն դառնալ կամ հանդես գալ Առաջին խմբում: Չեմ անտեսում մյուս թիմերին: «Փյունիկն» ապացուցեց, որ հզոր թիմ է, «Բանանցը» կարող է ամեն խաղում դրական արդյունքի հասնել, «Արարատն» արդեն լավ վիճակում է: Եթե առաջնությունում ևս 2 թիմ ավելանա, մրցաշարն ավելի կուժեղանա: Բայց մենք չեմպիոնությունից բացի այլ տարբերակ չենք դիտարկում: Դրան կարող ենք հասնել միայն իմ, մարզչի ու ֆուտբոլիստների համատեղ աշխատանքով: Չպետք է իրար խանգարենք, «խեցգետնի, կարապի ու գայլաձուկի» պես լինենք: Ունենք միջին ու մեծ տարիքի խաղացողներ, ովքեր իրենց փորձով օգնում են մյուսներին: Հրավիրեցինք նաև սերբ լեգիոներների, ովքեր արդարացրեցին հույսերը»:

Երևանյան ակումբի տիտղոսային հավաքածուում բացակայում է միայն Հայաստանի գավաթը: «Դեղինների» նախագահը հաջորդ մրցաշրջանում այդ տիտղոսը գլխավոր նպատակ է դարձնելու․

«Գավաթի այս տարվա խաղարկությունում զիջեցինք «Փյունիկին»: Այդ ժամանակ մարզչի հարցում խնդիրներ կային: Լավ չխաղացինք: 2017-18թթ․ մրցաշրջանում թիմի առջև նպատակ է դրվելու նվաճել չեմպիոնի կոչումը և գավաթը»,- խոսքը եզրափակեց Բագրատ Նավոյանը։

                                                                         Հայկ Հովհաննիսյան

Լրահոս
Էլինա Դանիելյանը հաղթեց ադրբեջանցուն Հայտնի է՝ որքան կկազմի Մեսսիի աշխատավարձը ՊՍԺ-ում․ աղբյուր Պարի Սեն-Ժերմենի սեփականատիրոջ եղբայրը հայտարարել է Մեսսիի հետ բանակցությունների ավարտի մասին Տոկիո-2020․ Բաչկովը՝ Օլիմպիական խաղերի բրոնզե մեդալակիր Լիոնել Մեսսին լքում է Բարսելոնան Տոկիո-2020․ Մեդալային հաշվարկն այս պահի դրությամբ․ Հայաստանը 61-րդ տեղում է Տոկիո-2020․ Սիմոն Մարտիրոսյանը՝ արծաթե մեդալակիր Տոկիո-2020. Արթուր Ալեքսանյանը՝ արծաթե մեդալակիր Տոկիո-2020․ Չալյանը պարտվեց բրոնզե մեդալի համար գոտեմարտում Chessable Masters․ Արոնյանը դուրս եկավ քառորդ եզրափակիչ Օլիմպիական բրոնզի համար Կարապետ Չալյանը կգոտեմարտի ադրբեջանցու հետ Տոկիո-2020․ Կարեն Ասլանյանը հաղթեց աշխարհի ու Եվրոպայի չեմպիոնին Բաչկովը հիանալի հաղթանակ տարավ և դուրս եկավ կիսաեզրափակիչ։ Առնվազն բրոնզե մեդալն ապահովված է «Յուվենթուսը», «Բարսելոնան» և «Ռեալը» հերթական մեծ հայտարարությունն են արել Սուպերլիգայի վերաբերյալ Բաչկովի հաղթանակն ադրբեջանցու նկատմամբ` տեսանյութով Տոկիո-2020. հայ մարզիկների մրցակիցները օգոստոսի 1-ին Հենրիխ Մխիթարյան․ Երբեք չեմ խաղացել պարզապես հաճույքի համար, կարևոր են տիտղոսները Չինացի ծանրորդը դարձավ Օլիմպիական չեմպիոն՝ նոր համաշխարհային ռեկորդ սահմանելով Շախմատի ԱԳ․ Հայկ Մարտիրոսյանը դուրս մնաց պայքարից Տոկիո-2020. Բռնցքամարտիկ Արմեն Դարչինյանի առաջին մրցակիցն հայտնի է Տոկիո 2020․ Հայ մարզիկները սկսել են մեդալային պայքարը Տոկիո-2020․ Մեդալային հաշվարկն այս պահի դրությամբ Մխիթարյանը՝ Մոուրինյուի հետ հարաբերությունների մասին Հայ մարմնամարզիկի հրաշալի ելույթը Տոկիոյի Օլիմպիական խաղերում. ԼՈՒՍԱՆԿԱՐՆԵՐ «Ռեալը» պատրաստ է օգնել «Բարսելոնային» պահպանել Լեոնել Մեսսիին Հայկ Մարտիրոսյանը դուրս եկավ աշխարհի գավաթի 1/8 եզրափակիչ Հայկ Մարտիրոսյանը դուրս թողեց Շահրիյար Մամեդյարովին աշխարհի գավաթի խաղարկությունից Մարտիրոսյանը հաղթել է թուրք շախմատիստին, Սարգսյանը թայ–բրեյք կխաղա ադրբեջանցու հետ Լևոն Արոնյանն առողջական խնդիրներ ունի Մեսին 5 տարվա պայմանագիր կստորագրի «Բարսելոնա»-ի հետ Բարսելոնան և Աթլետիկոն մոտ են աստղային ֆուտբոլիստների փոխանակմանը Պաշտոնական․ Ռամոսը՝ ՊՍԺ-ի ֆուտբոլիստ Ինչպես է Ռոնալդուն ընտանիքի հետ վայելում ծովափնյա հանգիստը (լուսանկարներ) Էրիկ Առստամյանը նոկաուտով հաղթել է թուրք բռնցքամարտիկին. ՏԵՍԱՆՅՈՒԹ Արոնյանը հաղթեց աշխարհի չեմպիոնին և դուրս եկավ եզրափակիչ Instagram-ում մեկ հրապարակման համար Ռոնալդուն ստանում է 1.35 միլիոն եվրո «Բարսելոնայի» նախագահը խոսել է Մեսսիի հետ նոր պայմանագրի շուրջ բանակցությունների մասին Goldmoney Asian Rapid․ Արոնյանը կիսաեզրափակչում է «Ռոմայի» ֆուտբոլիստը հետաքրքրում է «Բարսային», «Ռեալին» և ՊՍԺ-ին Այսօր վերջին օրն է
Ամենաընթերցված
website by Sargssyan