USD
EUR
RUB

Ռոնալդու. Սա մեր նպատակն է, մեր խնդիրը և մեր երազանքը

 

Չեմպիոնների լիգայի եզրափակչից առաջ «Ռեալի» հարձակվող Կրիշտիանու Ռոնալդուն խոսել է մրցակից «Յուվենտուսի», գլխավոր մարզիչ Զինեդին Զիդանի և մրցաշարում իր 100-րդ գոլի նշանակության մասին:

-Ինչպե՞ս կգնահատեք Չեմպիոնների լիգայում ձեր 14-րդ խաղարկությունը: Որքա՞ն ուժգին եք սպասում չորս տարվա ընթացքում երրորդ եզրափակչին:

-Չեմպիոնների լիգայի եզրափակչին մասնակցելը միշտ հատուկ զգացողություն է հաղորդում: Դա 4 անգամ անելու հնարավորություն եմ ունեցել ու այսօրվա եզրափակիչը 5-րդն է լինելու. հատուկ պահ է լինելու: Մեզ մեծ թիմ է դիմակայելու: Հասկանում ենք, որ առջևում ծանրագույն խաղ է, բայց մենք «Ռեալն» ենք ու հաղթելու լավ հնարավորություն ունենք: Բնականաբար, հույս ունեմ, որ կհաղթենք:

-«Յուվենտուսի» խաղում ի՞նչ առանցքային պահեր կնշեիք:

-Փայլուն թիմ է: «Յուվենտուսը» պատահաբար չէ, որ խաղում է եզրափակչում: Շատ լուրջ մրցակից է: Գիտենք, որ շատ բարդ խաղ է լինելու, իսկ հաղթելու հնարավորությունները 50-50 են։ Նրանք խիստ վերահսկողություն են սահմանում կարճ տարածության վրա, նախընտրում են մրցակցի հետ խաղալ այնպես, ինչպես «Ատլետիկոն»: Իհարկե, «Յուվեն» հիասքանչ պաշտպանություն ունի, բայց պաշտպանները որքան էլ լավը լինեն, ցանկացած դեպքում կարելի է թույլ տեղ գտնել: Պետք է գտնենք այդ թույլ տեղը, օգտվենք տարծությունից, որ կտա մեզ մրցակիցը։

Այս խաղը շատ նման է լինելու «Ատլետիկոյի» դեմ մեր վերջին 2 եզրափակչիներին: Երկու թիմերն էլ փորձում են օգտագործել մրցակցի սխալները: Ով քիչ է սխալվում, նա էլ, հավանական է, որ հաղթում է: Հույս ունեմ, որ «Ռեալը» քիչ սխալներ թույլ կտա:

-Կարիերայի այս փուլում շարունակո՞ւմ եք հաճույք ստանալ ֆուտբոլից:

-Փորձում եմ առավելագույն հաճույք ստանալ ու հիասքանչ մարզավիճակում եմ: Իհարկե, թիմը հիանալի օգնում է: Ես սիրում եմ ֆուտբոլ խաղալ: Ամենաշատն ուզում եմ գործողությունների լիակատար ազատությամբ հարձակման գծում խաղալ։ Զիդանն ինձ տվել է այդ հնարավորությունը: Նրա ղեկավարությամբ դասական «9» համարի կարգավիճակում եմ: Ազատ գործողություններ հարձակման գծում՝ կենտրոնում և եզրերում: Խաղում եմ այնտեղ, որտեղ պետք է լինում: Վերջին մրցաշրջանների ավարտին հոգնածություն էի զգում, դրա համար էլ ինձ մի քանի խաղով հանգիստ տվեցին: Այդուհանդերձ, թիմում առաջին տեղում եմ դաշտում անցկացրած րոպեների քանակով: Շատ խաղերի եմ մասնակցել, բայց նախորդ տարիների համեմատ մրցաշրջանի ավարտին ինձ ավելի լավ եմ զգում:

-Այս մրցաշրջանում 20 ֆուտբոլիստ է «Ռեալի» մեկնարկային կազմում եղել: Ռոտացիայի՞ շնորհիվ է թիմն այսքան հեռու գնացել:

-Կարծում եմ՝ այո: Իմ կարծիքով Զիդանը շատ գրագետ է ղեկավարում թիմը: Հեշտ չէ, քանի որ մեզ մոտ բոլորն են ուզում խաղալ: Նա կարող է հանգիստ տալ առանցքային ֆուտբոլիստներին, ովքեր միշտ մեկնարկայինում են լինում:

Երբ անցյալ տարի Զիդանը գլխավորեց մեր թիմը, որևէ մեկը նրա վրա ճնշում չէր գործադրում, քանի որ արդեն իսկ զիջում էինք առաջատարներին: Այս մրցաշրջանը նա մաքուր էջից սկսեց ու ցույց տվեց, թե որքան ուժեղ մարզիչ է: Նա շատ հաճելի մարդ է: Նա աշխատասեր է և մեծագույն հարգանքով է վերաբերում խաղացողներին: Կասկած չունեմ, որ թիմն իր հաջողություններով Զիդանին է պարտական: Բոլոր ֆուտբոլիստներն ուրախ են աշխատել նրա հետ:

-Դուք առաջինը հատեցիք 100 գոլի սահմանը: Ի՞նչ է այն նշանակում ձեզ համար:

-Ես ձգտել եմ այդ ռեկորդին: Միշտ հավատացել եմ, որ Չեմպիոնների լիգայում 100 գոլ խփած առաջին ֆուտբոլիստն եմ լինելու: Ես արեցի դա: Այդ նպատակն իմ առաջ մրցաշրջանի մեկնարկին եմ դրել ու Աստծո շնորհիվ հասել եմ դրան: Հասկանում եմ, որ իմ նախորդ ու ապագա ձեռքբերումները երկար ժամանակ կմնան պատմության էջերին: Պատահական չեմ այդ ռեկորդները սահմանել: Ես ռեկորդների գերի չեմ, բայց ինձ դուր է գալիս բարելավել դրանք: Դրանք հենց գերազանցվելու համար էլ գոյություն ունեն: Դա խթան է մարզվելու և լավ խաղալու համար: Անընդհատ աշխատանք, առավելագույն մակարդակում խաղալու համար. սա է իմ փիլիսոփայությունը: 

-Ձեզ գայթակղո՞ւմ է «Ռեալին» Չեմպիոնների լիգայում 2 անգամ անընդմեջ հաղթած առաջին թիմը դարձնելու միտքը: 

-Դա նպատակ է, որին ցանկանում են հասնել «Ռեալի» բոլոր ֆուտբոլիստները: Ցանկանում ենք պատմություն կերտել ու հասկանում ենք, որ այս եզրափակչում հաղթելով՝ կդառնանք չեմպիոնական տիտղոսը պաշտպանած առաջին թիմը: Դա մեր նպատակն է, մեր խնդիրը և մեր երազանքը: Եկեք խաչենք մատները:

 

Աղբյուր՝ ՈւԵՖԱ-ի պաշտոնական կայք

Լրահոս
Էլինա Դանիելյանը հաղթեց ադրբեջանցուն Հայտնի է՝ որքան կկազմի Մեսսիի աշխատավարձը ՊՍԺ-ում․ աղբյուր Պարի Սեն-Ժերմենի սեփականատիրոջ եղբայրը հայտարարել է Մեսսիի հետ բանակցությունների ավարտի մասին Տոկիո-2020․ Բաչկովը՝ Օլիմպիական խաղերի բրոնզե մեդալակիր Լիոնել Մեսսին լքում է Բարսելոնան Տոկիո-2020․ Մեդալային հաշվարկն այս պահի դրությամբ․ Հայաստանը 61-րդ տեղում է Տոկիո-2020․ Սիմոն Մարտիրոսյանը՝ արծաթե մեդալակիր Տոկիո-2020. Արթուր Ալեքսանյանը՝ արծաթե մեդալակիր Տոկիո-2020․ Չալյանը պարտվեց բրոնզե մեդալի համար գոտեմարտում Chessable Masters․ Արոնյանը դուրս եկավ քառորդ եզրափակիչ Օլիմպիական բրոնզի համար Կարապետ Չալյանը կգոտեմարտի ադրբեջանցու հետ Տոկիո-2020․ Կարեն Ասլանյանը հաղթեց աշխարհի ու Եվրոպայի չեմպիոնին Բաչկովը հիանալի հաղթանակ տարավ և դուրս եկավ կիսաեզրափակիչ։ Առնվազն բրոնզե մեդալն ապահովված է «Յուվենթուսը», «Բարսելոնան» և «Ռեալը» հերթական մեծ հայտարարությունն են արել Սուպերլիգայի վերաբերյալ Բաչկովի հաղթանակն ադրբեջանցու նկատմամբ` տեսանյութով Տոկիո-2020. հայ մարզիկների մրցակիցները օգոստոսի 1-ին Հենրիխ Մխիթարյան․ Երբեք չեմ խաղացել պարզապես հաճույքի համար, կարևոր են տիտղոսները Չինացի ծանրորդը դարձավ Օլիմպիական չեմպիոն՝ նոր համաշխարհային ռեկորդ սահմանելով Շախմատի ԱԳ․ Հայկ Մարտիրոսյանը դուրս մնաց պայքարից Տոկիո-2020. Բռնցքամարտիկ Արմեն Դարչինյանի առաջին մրցակիցն հայտնի է Տոկիո 2020․ Հայ մարզիկները սկսել են մեդալային պայքարը Տոկիո-2020․ Մեդալային հաշվարկն այս պահի դրությամբ Մխիթարյանը՝ Մոուրինյուի հետ հարաբերությունների մասին Հայ մարմնամարզիկի հրաշալի ելույթը Տոկիոյի Օլիմպիական խաղերում. ԼՈՒՍԱՆԿԱՐՆԵՐ «Ռեալը» պատրաստ է օգնել «Բարսելոնային» պահպանել Լեոնել Մեսսիին Հայկ Մարտիրոսյանը դուրս եկավ աշխարհի գավաթի 1/8 եզրափակիչ Հայկ Մարտիրոսյանը դուրս թողեց Շահրիյար Մամեդյարովին աշխարհի գավաթի խաղարկությունից Մարտիրոսյանը հաղթել է թուրք շախմատիստին, Սարգսյանը թայ–բրեյք կխաղա ադրբեջանցու հետ Լևոն Արոնյանն առողջական խնդիրներ ունի Մեսին 5 տարվա պայմանագիր կստորագրի «Բարսելոնա»-ի հետ Բարսելոնան և Աթլետիկոն մոտ են աստղային ֆուտբոլիստների փոխանակմանը Պաշտոնական․ Ռամոսը՝ ՊՍԺ-ի ֆուտբոլիստ Ինչպես է Ռոնալդուն ընտանիքի հետ վայելում ծովափնյա հանգիստը (լուսանկարներ) Էրիկ Առստամյանը նոկաուտով հաղթել է թուրք բռնցքամարտիկին. ՏԵՍԱՆՅՈՒԹ Արոնյանը հաղթեց աշխարհի չեմպիոնին և դուրս եկավ եզրափակիչ Instagram-ում մեկ հրապարակման համար Ռոնալդուն ստանում է 1.35 միլիոն եվրո «Բարսելոնայի» նախագահը խոսել է Մեսսիի հետ նոր պայմանագրի շուրջ բանակցությունների մասին Goldmoney Asian Rapid․ Արոնյանը կիսաեզրափակչում է «Ռոմայի» ֆուտբոլիստը հետաքրքրում է «Բարսային», «Ռեալին» և ՊՍԺ-ին Այսօր վերջին օրն է
Ամենաընթերցված
website by Sargssyan