NBA-ն նոր չեմպիոն ունի (տեսանյութ)

Բասկետբոլի ազգային ասոցիացիայում (NBA) տեղի ունեցավ եզրափակչի 5-րդ հանդիպումը:

«Գոլդեն Սթեյթը» սեփական հարկի տակ ընդունել էր «Կլիվլենդին» ու 129:120 հաշվով հաղթանակ է տոնել: Փոխնիփոխ առավելությամբ անցած խաղի վերջնամասում «Ուորիորզը» որոշիչ պոկում է կատարել և միավորների բավարար պաշարով գերազանցել մրցակցին:

Կալիֆորնաիցիների կազմում հիասքանչ հանդիպում է անցկացրել Կևին Դյուրանտը, ով վաստակել է 39 միավոր: Արդյունքում, 28-ամյա բասկետբոլիստը ճանաչվեց եզրափակիչ դիմակայության ամենաարժեքավոր խաղացող:

Ոչ պակաս հիանալի խաղ է ցուցադրել Ստեֆեն Կարին: Նա վաստակել է 34 միավոր ու 10 արդյունավետ փոխանցում կատարել: «Կավալյերսի» առաջատար Լեբրոն Ջեյմսը 41 միավոր է հավաքել ու 13 անդրադարձի տիրել, սակայն միևնույն է հաղթանակի քիչ շանսեր է ունեցել:

Սթիվ Քերի թիմն ընդհանուր 4:1 հաշվով առավելության հասավ «Կլիվլենդի» նկատմամբ և վերջին երեք տարվա ընթացքում երկրորդ անգամ նվաճեց NBA-ի չեմպիոնի կոչումը:

Խաղի տեսությունը

Մրցանակաբաշխությունը