«Յուվենտուսը» նոր հարձակվող կունենա. տրանսֆերը` 30,5 միլիոն եվրո
14/06/2017 10:42
Նմանատիպ
«Յուվենտուսը» «Սամպդորիայի» հետ համաձայնեցրել է հարձակվող Պատրիկ Շիկի տրանսֆերը:
«Sky Sport Italia»-ն տեղեկացնում է, որ թուրինցիները 21-ամյա ֆուտբոլիստի համար վճարելու են 30,5 միլիոն եվրո: Այդ գումարը ճենովացիների հաշվին փոխանցվելու է երեք տարվա ընթացքում: «Սամպան» չեխին վարձակալելու առաջնային իրավունք կունենա:
Առաջիկա օրերին Շիկը կժամանի Թուրին, որպեսզի բուժզննում անցնի և 5 տարվա պայմանագիր ստորագրի:
187 սմ հասակ ունեցող հարձակվողի համար պայքարում «ծեր սինյորան» առաջ է անցել «Ինտերից», «Նապոլիից», «Ռոմայից», «Տոտենհեմից» ու «Էվերթոնից»:
Ա Սերիայի ավարտված առաջնությունում Շիկը 32 խաղում 11 գոլ է խփել ու 6 արդյունավետ փոխանցում կատարել:
Հետևեք մեզ նաև Telegram-ում