Ռիչարդ Իմբերնոն. Խաշմանյանի հետ կոնֆլիկտն արդեն մոռացված է
Նմանատիպ
Չեմպիոնների լիգայի որակավորման առաջին փուլի՝ «Ալաշկերտի» հետ հանդիպումից առաջ «Սանտա Կոլոմայի» գլխավոր մարզիչ Ռիչարդ Իմբերնոնը պատասխանեց լրագրողների հարցերին:
– Ո՞րն է Չեմպիոնների լիգայում «Սանտա Կոլոմայի» նպատակը:
– Մենք քայլ առ քայլ ենք առաջ գնում: Առաջնային նպատակն առաջին փուլը հաղթահարելն է, հեռուն չենք նայում:
– Վիճակահանությունից գո՞հ եք:
– Գիտենք, որ «Ալաշկերտը» բարդ մրցակից է: Հավանաբար հնարավոր բոլոր մրցակիցներից ամենաբարդն էր: Բնականաբար, անցած տարի զգացել ենք նրանց ներուժը, սակայն այս տարի ավելի լավ ենք պատրաստվել հանդիպումներին:
– Նախորդ տարվա համեմատ ի՞նչ փոփոխություններ են կատարվել ձեր թիմում: (Հարցը հակառակ կերպ հասկացավ)
– Մենք մրցակցի մասին տեղեկություններ մեկ շաբաթ առաջ ենք ստացել: Տեղյակ ենք, որ նոր խաղացողներ ունի «Ալաշկերտը»: Անցած տարի կարևոր դերակատարում ունեցած շատ ֆուտբոլիստներ մնացել են թիմում:
– Անցած տարի վիրավորվել էիք «Ալաշկերտի» մարզչի հայտարարությունից: Այդ միջադեպը ներկայումս ազդեցություն ունի՞ ձեր թիմի մոտիվացիայի վրա:
– Այդ միջադեպից մեկ տարի է անցել, և այն ինձ համար այլևս մեծ նշանակություն չունի:
– Թիմում վնասվածք ունեցող խաղացողներ կա՞ն:
– Երկու ֆուտբոլիստ ունենք, որոնց մասնակցությունը կասկածի տակ է: Եթե նրանք չկարողանան խաղալ, համարժեք փոխարինող կունենան:
– «Ալաշկերտի» որ ֆուտբոլիստներին կառանձնացնեիք:
– Մանասյանին, Եդիգարյանին։ Նրանց ամենավտանգավորն եմ համարում: Կառանձնացնեմ նաև Վերանյանին, ով թիմի խաղն է կազմակերպում: Նրանից պետք է զգուշանանք: Սերբ նորեկներից տեղյակ չեմ, բայց վստահ եմ, որ լավ մակարդակ ունեն:
Հետևեք մեզ նաև Telegram-ում