«Բանանց». Հավաք և ստուգողական հանդիպումներ Վրաստանում
07/07/2017 14:55
Նմանատիպ
Հուլիսի 10-17-ը Երևանի «Բանանցն» ուսումնամարզական հավաք կանցկացնի Վրաստանում, որի ընթացքում նախատեսված է երեք ստուգողական հանդիպում վրացական թիմերի դեմ: Այդ մասին տեղեկանում ենք ակումբի պաշտոնական կայքից:
Արամ Ոսկանյանի թիմը կիջևանի Վրաստանի մայրաքաղաք Թբիլիսիում, իսկ մարզումներն ու խաղերը տեղի կունենան Սագուրամոյում գտնվող Թբիլիսիի «Լոկոմոտիվի» մարզաբազայում:
Հուլիսի 12-ին երևանցիները ստուգողական հանդիպում կանցկացնեն Թբիլիսիի «Սաբուրթալոյի» հետ, հուլիսի 14-ին՝ Գորիի «Դիլայի» հետ, իսկ հուլիսի 17-ին կայանալիք խաղի մրցակիցը դեռ ճշտված չէ:
Հանդիպումները կցուցադրվեն FC Banants TV-ի ուղիղ եթերում:
Հետևեք մեզ նաև Telegram-ում