Մաքսվելին փոխարինողը. ՊՍԺ-ն նորեկ ունի (լուսանկար)
08/07/2017 11:47
Նմանատիպ
«Ռեալ Սոսյեդադի» եզրային պաշտպան Յուրի Բերչիչեն կարիերան շարունակելու է «Պարի Սեն Ժերմենում»: 27-ամյա ֆուտբոլիստն իր նոր ակումբի հետ 4 տարվա պայմանագիր է ստորագրել։
«Transfermarkt»-ի տեղեկությամբ գործարքը կազմել է 16 միլիոն եվրո: Ֆրանսիական թիմում բասկը դառնալու է բրազիլացի Մաքսվելի փոխարինողը, ով ավարտել է կարիերան:
«Ինձ համար մեծ պատիվ է կրել Եվրոպայի ամենահարգված ու մեծագույն ակումբներից մեկի մարզաշապիկը: Վստահ եմ` այստեղ աճելու համար կատարյալ պայմաններ կգտնեմ: Ցանկանում եմ առաջ շարժվել ու տիտղոսներ նվաճել»,- ասել է Բերչիչեն:
Իսպանիայի նախորդ առաջնությունում պաշտպանը մասնակցել է 35 խաղի, որոնցում 3 գոլ է խփել ու 4 գոլային փոխանցում կատարել:
Հետևեք մեզ նաև Telegram-ում