USD
EUR
RUB

Ալի Ալիևի մրցաշար․ Ի՞նչ հարցերի պատասխան կտա այն

 

Այսօր Ռուսաստանի Կասպիսկ քաղաքում մեկնարկում է ազատ ոճի ըմբշամարտի Ալի Ալիևի անվան 48-րդ հուշամրցաշարը։

Հայաստանի ազատ ոճի ըմբշամարտի հավաքականը գլխավոր մարզչի պաշտոնակատար Հաբեթնակ Կուրղինյանի գլխավորությամբ մրցավայր է մեկնել հետևյալ կազմով` Գարիկ Բարսեղյան (57 կգ քաշային կարգ), Նարեկ Սիրունյան (65 կգ), Վալտեր Մարգարյան (70 կգ), Վահե Թամրազյան (86 կգ) և Գեորգի Կետոև (97 կգ) կազմով։

ՀԱՕԿ լրատվականին տված մեկնաբանությունում Հաբեթնակ Կուրղինյանը նշել էր, որ այս 5 ըմբիշներին մրցաշարում փորձարկելու պատճառը վերջիններիս՝ միջազգային ասպարեզում ավելի քիչ գոտեմարտեր անցկացնելն է, և այս մրցաշարը լավ հնարավորություն է աշխարհի առաջնությունից առաջ տեսնել ըմբիշների մարզավիճակը։

Այս ըմբիշները մասնակցել են մայիսին Սերբիայի Նովի Սադ քաղաքում անցկացված Եվրոպայի առաջնությանը։ 57 կգ քաշային Գարիկ Բարսեղյանը Եվրոպայի առաջնությունում պայքարը սկսել էր 1/8 եզրափակչից, որտեղ 1:8 հաշվով զիջել էր Թուրքիայի ներկայացուցիչ Սուլեյման Աթլիին՝ դուրս մնալով պայքարից։



65 կգ քաշային Նարեկ Սիրունյանը 1/16 եզրափակչում 0։11 հաշվով զիջել էր Գերմանիան ներկայացնող Ալեքսանդր Սեմիսորովին և նույնպես դուրս մնացել հետագա պայքարից։ 70 կգ քաշային կարգում Վալտեր Մարգարյանը պայքարը սկսել էր 1/8 եզրափակչից, որտեղ գոտեմարտել էր Իսրայել Կասումովի հետ (Ռուսաստան) և պարտվել 0։11 հաշվով։

86 կգ քաշային Վահե Թամրազյանը 1/8 եզրափակչում 11։2 հաշվով հաղթել էր Իսրայելը ներկայացնող Վալենտին Ռադչենկո Միխայելչենկոյին, բայց քառորդ եզրափակչում 3։5 հաշվով զիջել Ադրբեջանը ներկայացնող Ալեքսանդր Գոստիևին։ Վերջինս, հասնելով մինչև եզրափակիչ, իրավունք տվեց Թամրազյանին մասնակցելու սփոփիչ գոտեմարտի, սակայն նա 2։7 հաշվով պարտվեց Մաթուս Բարանովսկուն (Լեհաստան)։

97 կգ քաշային Գեորգի Կետոևը 1/16 եզրափակչում 10։0 հաշվով հաղթել էր Տարիկ Ազուցին (Բելառուս), 1/8 եզրափակչում էլ 1։11 հաշվով պարտվել ադրբեջանցի Ասլանբեկ Ալբորովին։

Եվրոպայի առաջնությունից հետո հայ ըմբիշների հաջորդ միջազգային ստուգատեսը հունիսի 10-11, Թբիլիսիում կայացած ըմբշամարտի Գրան-պրին էր, որին այս 5 ըմբիշներից միայն Գեորգի Կետոևը չմասնակցեց։

Բարսեղյանն անցկացրեց 4 գոտեմարտ և զբաղեցրեց 3-րդ հորիզոնականը։ Սիրունյանը անցկացրեց ընդամենը 1 գոտերմարտ և պարտվեց Թուրքիան ներկայացնող Սելահաթին Կիլչսալայանին։ Քանի որ վերջինս հասավ եզրափակիչ, Նարեկն իրավունք ստացավ մասնակցելու 3-րդ տեղի համար գոտեմարտին, բայց նրա մրցակիցը գորգ դուրս չեկավ։ Այսպիսով, Սիրունյանը, անցկացնելով 1 գոտեմարտ, բրոնզե մեդալ նվաճեց։ Մարգարյանն անկացրեց 3 գոտեմարտ և զբաղեցրեց 7-րդ հորիզոնականը։ Թամրազյանը պարտվեց հենց մեկնարկային գոտեմարտում։

Այսպիսով, մայիս ամսից սկսած Բարսեղյանն անցկացրել է 5 գոտեմարտ, Սիրունյանը՝ 2, Մարգարյանը՝ 4, Թամրազյանը՝ 4, իսկ Կետոևը՝ 2։



Այսօր Ալի Ալիև հուշամրցաշրում պայքարի մեջ կմտնեն 57 կգ, 65 կգ, 74 կգ և 97 կգ քաշային ըմբիշները։ 57 կգ քաշային կարգում Գարիկ Բարսեղյանը պայքարը կսկսի 1/8 եզրափակչից, որտեղ նրա մրցակիցը կլինի Ռուսաստանը ներկայացնող Մագոմեդռասուլ Մագոմեդովը։

65 կգ քաշային կարգի մրցաշարային ցանցում բացակայում է Նարեկ Սիրունյանի անունը: 74 կգ քաշային կարգում հայտավորված է Վալտեր Մարգարյանը, ով սովորաբար հանդես է գալիս 70 կգ քաշային կարգում: Այս մրցաշարում նա պայքարը կսկսի 1/8 եզրափակչից՝ գոտեմարտելով ադրբեջանցի Իսմայիլ Աբդուլաևի հետ։ Մեծ է հավանականությունը, որ 65 կգ քաշային Նարեկ Սիրունյանը նույնպես կգոտեմարտի մեկ քաշային կարգ բարձր, ինչով էլ պայմանավորված է նրա բացակայությունը 65 կգ քաշային կարգի մրցաշարային ցանցում։

97 կգ քաշային Գեորգի Կետոևը պայքարը կսկսի 1/8 եզրափակչից՝ գոտեմարտելով Ասլանբեկ Ալբորովի (Ադրբեջան) հետ։

Ալի Ալիևի մրցաշարը հայ ըմբիշների համար թերևս վերջինը կլինի օգոստոսի 21-26 Փարիզում կայանալիք աշխարհի առաջնությունից առաջ։ Ինչո՞ւ հատկապես այս կազմով է մեկնել մրցաշարին, արդյո՞ք պետք չէր փորձարկել նաև 61 կգ քաշային Վալոդյա Ֆրանգուլյանին և 74 կգ քաշային Գրիգոր Գրիգորյանին, կարիք չկա՞ր որոշ քաշային կարգերում Կասպիսկ տանել նաև հավաքականի երկրորդ համարներին.․․ Հարցեր, որոնց պատասխանը կստանանք աշխահի առաջնությունից հետո:

Հավաքականի գլխավոր մարզչի պաշտոնակատար Հաբեթնակ Կուրղինյանի առաջ բավական բարդ առաջադրանք է դրված՝ հավաքականը պատրաստ վիճակում հասցնել աշխարհի առաջնության։ Արմեն Մկրտչյանի՝ հավաքականի մարզիչ նշանակվելուց և Եվրոպայի առաջնությունից բերած 3 բրոնզե մեդալից հետո ըմբշամարտի ազատ ոճի Հայաստանի հավաքականից ակնկալիքները ավելացան, և հիմա պետք է աշխարհի առաջնությունում այնպես հանդես գալ, որ նոր դժգոհությունների առիթ չլինի։


Հասմիկ Գրիգորյան

Լրահոս
Հավաքականի 3 ֆուտբոլիստ Whoscored-ի վարկածով` ԱL-ի C դիվիզիոնի 2-րդ խմբի` տուրի խորհրդանշական հավաքականում Altibox Norway Chess. Արոնյանը հաղթեց 9-րդ տուրում, Կարլսենը՝ մրցաշարի հաղթող Սոլոմոն Ուդոն նշեց նորամուտը Հայաստանի հավաքականում Ազարը չի խաղա Բարսելոնայի դեմ Դենիս Ջորկաեֆը կոչով դիմել է Էմանուել Մակրոնին (տեսանյութ) Հայտնի է Էստոնիա-Հայաստան խաղը սպասարկող մրցավարական անձնակազմը Ըմբշամարտ. Աշխարհի առաջնությունը կկայանա Բելգրադում Հայերի հզոր երթը. Մխիթարյանը՝ Լոս Անջելեսի բողոքի ցույցերի մասին Հայաստանի համար. Ալաշկերտի չեռնոգորացի դարպասապահի գրառումը՝ Ադրբեջանին հաղթելուց հետո Արցախում արիաբար զոհվել է Նաիրի բասկետբոլի թիմի սան Աշոտ Խաչատրյանը Բաչկով․ Ձեր կողքին ենք, զինվոր եղբայրներ Նշան Մունչյան․ Բոլորս պետք է համախմբված լինենք՝ որպես մի բռունցք, մի սիրտ, մի հավատ Հայաստանի հավաքականը ժամանեց Լեհաստան (լուսանկարներ) Մարզիկ Էրիկ Օհանյանը վիրավորվել է առաջնագծում Norway Chess. Արոնյանը պարտվեց 4-րդ տուրում Հովհաննես Բաչկովն այսօր կանցկացնի իր առաջին մենամարտը պրոֆեսիոնալ ռինգում Մալանգ Սարրը կարիերան կշարունակի Պորտուի կազմում ՈՒԵՖԱ-ն փոխել է Հայաստան-Վրաստան հանդիպման անցկացման վայրը Մխիթարյանը շնորհակալություն է հայտնել Ռոնդա Ռոուզիին Արցախին աջակցելու համար Ադրբեջանի ագրեսիայի հետևանքով զոհվել է բասկետբոլի պատանեկան հավաքականի նախկին անդամը Պաշտոնական. Հայաստան-Ալբանիա խաղը չեղարկվել է Ալեկո Էսկանդարյան. Թույլ մի տվեք ձեզ շեղվել այն փաստից, որ Թուրքիան/Ադրբեջանը անմեղ հայերի են սպանում Արցախում Ադամյանն ու Օզբիլիսը իրենց աջակցությունն են հայտնել հայ զինվորներին Մխիթարյանի մտքերն Արցախում են. Ռոման աջակցում է հայ ֆուտբոլիստին ու պատրաստ է հանգիստ տալ Բունդեսլիգա․Այնտրախտը արտագնա խաղում հաղթեց Հերտային. ՏԵՍԱՆՅՈՒԹ Զիդան. Մենք հրաշալի կազմ ունենք Լիգա 1․ Լիլը հաղթանակ տարավ և գլխավորեց մրցաշարային աղյուսակը Էդգար Բաբայանը խփել է հաղթական գնդակն ու հեռացվել խաղադաշտից ԵԼ․ Արարատ-Արմենիան դժվարին պայքարում հաղթեց Ցելյեին ու դուրս եկավ որակավորման փլեյ-օֆֆ (տեսանյութ) Սուարեսը հաջող բուժզննում անցավ ու պայմանագիր ստորագրեց Ֆարերյան թիմը ջախջախեց Թբիլիսիի Դինամոյին, Միլանն ու Տոտենհեմը շարունակում են պայքարը․ ԵԼ-ի 3-րդ որակավորման փուլի ամփոփում Բեյլը՝ Ռեալից հեռանալու մասին. Ոչ մի բանի համար չեմ զղջում Դրաքսլերը հրաժարվել է տեղափոխվել Լիդս Պյանիչ. Բավարիայից կրած 2-8 հաշվով պարտությունն ուղղակի պատահականություն էր Բավարիան լրացուցիչ ժամանակում հաղթեց Սևիլիային ու նվաճեց ՈՒԵՖԱ-ի սուպերգավաթը (տեսանյութ) Բարսելոնան վերջին փորձերը կանի Մարտինեսի տրանսֆերը գնելու համար ԵԼ․ Արարատ-Արմենիան դժվարին պայքարում հաղթեց Ցելյեին ու դուրս եկավ որակավորման փլեյ-օֆֆ (տեսանյութ) Սուարեսը «Բարսելոնայի» բազան լքել է արցունքոտ աչքերով Մոուրինյո․ Կարծում եմ՝ Զիդանը ուրախ է Բեյլի հեռանալու կապակցությամբ Ռեալը կարող է 100 միլիոն եվրո վճարել Մբապեի համար, եթե նա ՊՍԺ-ի հետ պայմանագիրը չերկարաձգի
website by Sargssyan