USD
EUR
RUB

Խաշմանյան. Դեռ չենք հասել այն մակարդակին, որ նման սխալներ թույլ չտանք

 

Չեմպիոնների լիգայի որակավորման երկրորդ փուլի «Ալաշկերտ» – ԲԱՏԷ պատասխան հանդիպումից (1:3, առաջին մրցավեճում` 1:1) հետո երևանցիների գլխավոր մարզիչ Աբրահամ Խաշմանյանն ամփոփեց խաղը:

- Առաջին 20 րոպեն հաջող գործեցիք, սակայն հետո այլ խաղ ընթացավ…

- Պարտությունից հետո արդարացում չի լինում: Նման խաղերում մեկ սխալը ճակատագրական է դառնում: Մրցակիցն օգտվեց մեր սխալներից: Վատ ֆուտբոլ չխաղացինք, անմնացորդ նվիրվեցինք, բայց դեռ չենք հասել այն մակարդակին, որ նման սխալներ թույլ չտանք:

- Չե՞ք կարծում, որ մեկնարկային ակտիվությունից հետո ֆիզիկապես թիմը թուլացավ:

- Ամբողջ խաղի ընթացքում տեմպը կարողացանք պահել: Գլխավոր պատճառները թույլ տված սխալներն են: Մրցակիցը փորձառու է և կարողացավ օգտվել այդ բացթողումներից:

- Պաշտպանությունում սխալներն ինչո՞վ էին պայմանավորված:

- Սխալները ոչ թե պաշտպանությունում էին, այլ դաշտի կենտրոնում: Մրցակցին ազատ տարածություններ տվեցինք: Իրավունք չունեինք նման բան անելու: Այդ դիրքում ունեինք խաղացող, ում վնասվածքի պատճառով կորցրել էինք (Արթուր Եդիգարյան-խմբ.), մյուսը լիովին պատրաստ չէր (Արտակ Գրիգորյան-խմբ.), խնդիրներ կային…

Իմ թիմն իր առավելագույն հնարավորություններով խաղաց: Ունեինք գոլային պահեր, որոնք չօգտագործեցինք: Եթե կարողանայինք մինչև ընդմիջում պահել 1:0 հաշիվը, երկրորդում կկարողանայինք խաղը մեր ձեռքերում պահել, սակայն «1:1»-ի ժամանակ շանսերն արդեն հավասար էին:

- Առաջին 20 րոպեն «Ալաշկերտը» շատ լավ էր գործում, բայց հետո չկարողացավ նույնկերպ խաղալ: Ո՞րն էր պատճառը:

- Պետք է հաշվի առնել նաև մրցակցի գործոնը: Նրանք սկսեցին ավելի լավ խաղալ ու կազմակերպված գործել: Նրանք խաղամակարդակով ավելի բարձր են: Եթե ուշադիր եք եղել, մեր դարպասին երեք հարված կատարեցին ու երեք գոլ խփեցինք:

- Համաձա՞յն եք, որ Արսեն Բեգլարյանն այսօր անպատասխանատու ֆուտբոլ խաղաց:

- Կարող եմ ասել, որ վատ խաղաց:

- Ասել էինք, որ ըստ իրավիճակների էինք խաղալու: «1:0»-ից հետո ճի՞շտ չէր ավելի հետ քաշված գործել:

- Ամեն ինչ շատ ակնթարթային եղավ, չհասցրեցինք վերադասավորվել: Ֆուտբոլում ամեն ինչ շատ արագ է լինում: Խաղից առաջ հրահանգել էինք, որ պետք է ազատ տարածություններ չտալ: 1:1 հաշվի ժամանակ հարկավոր էր գրոհել:

- Նշում եք, որ մրցակիցը խաղամակարդակով ավելի բարձր էր, բայց առաջին 20 րոպեներին «Ալաշկերտի» գերազանցությունն ակնհայտ էր:

- Ֆուտբոլը 20 րոպե չի տևում: Մենք գնդակին էլ էինք ավելի շատ տիրում, բայց դա ոչինչ չէր նշանակում:

- Անցած տարվա պես որակավորման երկրորդ փուլից դուրս մնացիք: Ի՞նչ է փոխվել այս տարվա ընթացքում:

- Ավելի ուժեղ ենք դարձել: Ինձ համար դա ակնհայտ է:

- Թիմն ուժեղացնելու կարիք կա՞:

- Այո, բոլոր գծերում համալրման կարիք կա: Պարզապես այսօր Հայաստանում վիճակն այնպիսին է, որ չենք կարող լավագույններին բերել: Մեր մրցակիցը կլորիկ գումարով բարձրակարգ ֆուտբոլիստ է ձեռք բերում, բայց նույնիսկ խաղադաշտ դուրս չի բերում, պահեստայինների նստարանին է թողնում: Հայաստանում առանց գումարի փորձում ենք ֆուտբոլիստ հրավիրել...

Առիթից օգտվելով ցանկանում եմ շնորհակալություն հայտնել այն բազմաթիվ երկրպագուներին, ովքեր այսօր եկել էին մարզադաշտ ու աջակցում էին մեզ: Լավ կլինի, որ շարունակեն գալ մարզադաշտ, միայն նման հանդիսականներ ունենալու դեպքում կկարողանանք առաջ շարժվել:

- Նշեցիք, որ կադրային խնդիրներ կային դաշտի կենտրոնում: Հնարավոր չէ՞ր այդ բացը լրացնել կենտրոնական պաշտպաններից մեկին այդ դիրք տեղափոխվելով:

- Չեմ կարծում: Մեր կենտրոնական պաշտպանները դանդաղ են, իսկ դաշտի կենտրոնում արագաշարժ ու ագրեսիվ խաղացողներ են հարկավոր:

- Լեգիոներները մնալո՞ւ են թիմում:

- Այո: Այլ տարբերակ չունենք, որովհետև անիմաստ է ուրիշներին հրավիրել, ովքեր միևնույն է նույն մակարդակի են լինելու:

- Ինչպե՞ս եք գնահատում Չեմպիոնների լիգայում Ձեր թիմի ելույթները:

- Առաջնային խնդիրն առաջին փուլը հաղթահարելն էր: Ի տարբերություն շատերի, ես երկրորդ փուլը հաղթահարելու մտքերով չէի տարվել, որովհետև գիտեմ մեր հնարավորությունները:

- Ո՞րն էր պատճառը, որ պարտվելիս Զավեն Բադոյանին խաղադաշտ դուրս չբերեցիք:

- Չեմ կարող 4 փոփոխություն կատարել: Մկանային վնասվածք ստացած Յաբլանի փոխարեն հարկադրված Վահագն Մինասյանին խաղադաշտ դուրս բերեցինք, իսկ Մանասյանի ու Լեսթերի միջոցով հարձակումն ուժեղացրինք:

- Իսկ ինչո՞ւ Լեսթերին, այլ ոչ` Զավենին: Նախկինում դժգոհ էիք Պելտիերի խաղից:

-Անցած խաղին Զավենին շանս տվեցինք, այսօր` Լեսթերին: Մեր ֆուտբոլիստները նույն մակարդակի են: Հանդիպումից առաջ չգիտես, թե ով ավելի հաջող կխաղա:

- Եթե կրկին խաղայիք ԲԱՏԷ-ի հետ, նույն մարտավարությո՞ւնը կընտրեիք:

- Իհարկե:

- Մրցավարի գործողությունները կմեկնաբանե՞ք:

- Դժգոհ եմ: Նաև եզրային մրցավարից: Չեմ կարծում, թե մեծ ազդեցություն ունեցավ, բայց դա ինչ-որ նստվածք թողնում է: Սակայն երբեք չենք ասի, որ այս խաղը մրցավարների պատճառով պարտվեցինք: Սխալները մեր կողմից էին:


Հայկ Հովհաննիսյան

Լրահոս
Էլինա Դանիելյանը հաղթեց ադրբեջանցուն Հայտնի է՝ որքան կկազմի Մեսսիի աշխատավարձը ՊՍԺ-ում․ աղբյուր Պարի Սեն-Ժերմենի սեփականատիրոջ եղբայրը հայտարարել է Մեսսիի հետ բանակցությունների ավարտի մասին Տոկիո-2020․ Բաչկովը՝ Օլիմպիական խաղերի բրոնզե մեդալակիր Լիոնել Մեսսին լքում է Բարսելոնան Տոկիո-2020․ Մեդալային հաշվարկն այս պահի դրությամբ․ Հայաստանը 61-րդ տեղում է Տոկիո-2020․ Սիմոն Մարտիրոսյանը՝ արծաթե մեդալակիր Տոկիո-2020. Արթուր Ալեքսանյանը՝ արծաթե մեդալակիր Տոկիո-2020․ Չալյանը պարտվեց բրոնզե մեդալի համար գոտեմարտում Chessable Masters․ Արոնյանը դուրս եկավ քառորդ եզրափակիչ Օլիմպիական բրոնզի համար Կարապետ Չալյանը կգոտեմարտի ադրբեջանցու հետ Տոկիո-2020․ Կարեն Ասլանյանը հաղթեց աշխարհի ու Եվրոպայի չեմպիոնին Բաչկովը հիանալի հաղթանակ տարավ և դուրս եկավ կիսաեզրափակիչ։ Առնվազն բրոնզե մեդալն ապահովված է «Յուվենթուսը», «Բարսելոնան» և «Ռեալը» հերթական մեծ հայտարարությունն են արել Սուպերլիգայի վերաբերյալ Բաչկովի հաղթանակն ադրբեջանցու նկատմամբ` տեսանյութով Տոկիո-2020. հայ մարզիկների մրցակիցները օգոստոսի 1-ին Հենրիխ Մխիթարյան․ Երբեք չեմ խաղացել պարզապես հաճույքի համար, կարևոր են տիտղոսները Չինացի ծանրորդը դարձավ Օլիմպիական չեմպիոն՝ նոր համաշխարհային ռեկորդ սահմանելով Շախմատի ԱԳ․ Հայկ Մարտիրոսյանը դուրս մնաց պայքարից Տոկիո-2020. Բռնցքամարտիկ Արմեն Դարչինյանի առաջին մրցակիցն հայտնի է Տոկիո 2020․ Հայ մարզիկները սկսել են մեդալային պայքարը Տոկիո-2020․ Մեդալային հաշվարկն այս պահի դրությամբ Մխիթարյանը՝ Մոուրինյուի հետ հարաբերությունների մասին Հայ մարմնամարզիկի հրաշալի ելույթը Տոկիոյի Օլիմպիական խաղերում. ԼՈՒՍԱՆԿԱՐՆԵՐ «Ռեալը» պատրաստ է օգնել «Բարսելոնային» պահպանել Լեոնել Մեսսիին Հայկ Մարտիրոսյանը դուրս եկավ աշխարհի գավաթի 1/8 եզրափակիչ Հայկ Մարտիրոսյանը դուրս թողեց Շահրիյար Մամեդյարովին աշխարհի գավաթի խաղարկությունից Մարտիրոսյանը հաղթել է թուրք շախմատիստին, Սարգսյանը թայ–բրեյք կխաղա ադրբեջանցու հետ Լևոն Արոնյանն առողջական խնդիրներ ունի Մեսին 5 տարվա պայմանագիր կստորագրի «Բարսելոնա»-ի հետ Բարսելոնան և Աթլետիկոն մոտ են աստղային ֆուտբոլիստների փոխանակմանը Պաշտոնական․ Ռամոսը՝ ՊՍԺ-ի ֆուտբոլիստ Ինչպես է Ռոնալդուն ընտանիքի հետ վայելում ծովափնյա հանգիստը (լուսանկարներ) Էրիկ Առստամյանը նոկաուտով հաղթել է թուրք բռնցքամարտիկին. ՏԵՍԱՆՅՈՒԹ Արոնյանը հաղթեց աշխարհի չեմպիոնին և դուրս եկավ եզրափակիչ Instagram-ում մեկ հրապարակման համար Ռոնալդուն ստանում է 1.35 միլիոն եվրո «Բարսելոնայի» նախագահը խոսել է Մեսսիի հետ նոր պայմանագրի շուրջ բանակցությունների մասին Goldmoney Asian Rapid․ Արոնյանը կիսաեզրափակչում է «Ռոմայի» ֆուտբոլիստը հետաքրքրում է «Բարսային», «Ռեալին» և ՊՍԺ-ին Այսօր վերջին օրն է
Ամենաընթերցված
website by Sargssyan