ՊՍԺ-ի ֆուտբոլիստն ընդունել է «Մանչեսթեր Յունայթեդի» առաջարկը
31/07/2017 14:19
Նմանատիպ
«Պարի Սեն Ժերմենի» աջ պաշտպան Սերժ Օրյեն մոտ է կարիերան Անգլիայում շարունակելուն: Ֆրանսիական լրատվամիջոցները տեղեկացնում են, որ 24-ամյա խաղացողը համաձայնել է տեղափոխվել «Մանչեսթեր Յունայթեդ»:
Մոտ մեկ ամիս առաջ հայտնի էր դարձել, որ «կարմիր սատաններն» իվուարցուն ձեռք բերելու ֆավորիտն են, քանի որ Անտոնիո Վալենսիային արժանի պահեստային են փնտրում: Փարիզցիները պատրաստվում են Օրյեին բաց թողնել, քանի որ պայմանագիր են կնքել մեկ այլ աջ պաշտպան Դանիել Ալվեսի հետ:
Տրանսֆերը գնահատվում է 25 միլիոն եվրո: Գործարքին կողմ է նաև ֆուտբոլիստի ներկայիս թիմի գլխավոր մարզիչ Ունաի Էմերին:
Սերժի պայմանագրի ժամկետը ՊՍԺ-ի հետ սպառվում է 2019 թվականի ամռանը:
Հետևեք մեզ նաև Telegram-ում