«Բարսելոնան» պայմանավորվել է Դեմբելեի հետ. խոշոր առաջարկ «Բորուսսիային»
04/08/2017 23:44
Նմանատիպ
Դորտմունդի «Բորուսսիայի» հարձակվող Ուսման Դեմբելեն կարող է կարիերան շարունակել «Բարսելոնայում»:
Կատալոնական ակումբը 20-ամյա ֆուտբոլիստին դարձրել է իր տրանսֆերային գլխավոր նպատակներից մեկը: «Կապտանռնագույնները» գտնում են, որ հենց ֆրանսիացին պետք է դառնա Նեյմարի փոխարինողը, ով տեղափոխվել է «Պարի Սեն Ժերմեն»:
Իտալացի ճանաչված լրագրող Տանկրեդի Պալմերին տեղեկացնում է, որ «Բարսելոնան» արդեն համաձայնեցրել է Դեմբելեի անձնական պայմանագրի կետերը: Այժմ «բլաուգրանան» պատրաստվում է տրանսֆերի դիմաց դորտմունդցիներին 80 միլիոն եվրո առաջարկել:
Ուսմանը մեկ տարի առաջ է 15 միլիոն եվրոյի դիմաց «Ռենից» տեղափոխվել «Բորուսսիա»: Գերմանական թիմում անցկացրած պաշտոնական 49 խաղում նա դարձել է 10 գոլի ու 21 գոլային փոխանցման հեղինակ:
Հետևեք մեզ նաև Telegram-ում